آذربایجان نجه یازیم غموندن

🏴تسلیت آذربایجان

✍️ زبدةالاشعار ✍️

🆔: @nohe_torki

فیضی اردبیلی

آذربایجان نجه یازیم غموندن
نجه یازیم نیسکیللی ماتموندن

زلزله‌ کاشانه‌وی ویران ائدوب
ائللروون گوزیاشینی قان ائدوب

ماتمونده ئورک باشین داغلاروخ
قاره باشا سالماقووا آغلاروخ

بلا یازیب سنه قضا قَدَرلر
نیسکیللرون قلبیمیزی کَدَرلر

ئورک قاندی زلزله یا سئلوندن
بلا کوچوب اوزاخلاشسین ائلوندن

سیلکلنوب داغیلماسین داغلارون
خزان گوروب سارالماسین باغلارون

آخیر غمون، آخیر خسارت اولسون
عالم بویی باشون سلامت اولسون

تیرِ غمون، وطن قلبین دلیبدور
ایـــران سنــه تسلییَته گلیبدور

یاز(فیضی)یاز آنایوردوم وار اولسون
حسینچیوک آقام بیزه یار اولسون

#تسلیت_آذربایجان
#ترکی #زلزله
#فیضی_اردبیلی

🏴🏴🏴🏴

.
✍️ #زبدةالاشعار ✍️
.
🆔: @nohe_torki