ای آسمان حسنی گزن آفتاب اوغول #اکبریه_اخگر_مراغه_ای

شهادت حضرت علی اکبر (ع)
زبانحال مادر
..
..
اخگر مراغه ای
..
..
ای آسمان حسنی گزن آفتاب اوغول
بیریاره ایلیوب باشوندا عجب انقلاب اوغول
..
قاره گوزه چکوبدی قضا سرمه قانیلن
لیلانین ایلیوب ائوینی دور خراب اوغول
..
قان پرده سی عقیق ائلیوب قاره خالیوی
اولماز بو خال تک گهر ناب و ناب اوغول
..
مخدوش اولوبدی جسمده کی ابجد وجود
دوشمز نظامه برهم اولان بو حساب اوغول
..
بیر لاله تک بو دشته علی پرپر اولموسان
قان قطره سی گل اوزونده گلاب اوغول
..
لیلانی باغریقان ائلین باشدا کی یارا
بیلم که دشمنی ائلیوب کامیاب اوغول
..
قان لخته سی دوتوب اودور آغزون آچانموسان
یوخسا بو قاره بخته وئرردون جواب اوغول
..
جدیت ایله بیر آچاسان قانلی گؤزلرون
گویلوم بو آرزوده ائدور چوخ شتاب اوغول
..
بیر حاله قالموشام داخی یردن دورانمورام
یوخدور دیزیمده دورماقا بیر ذره تاب اوغول
..
گلمور نفس علی چیغیرام وای اوغول دییم
آلموش وجودیمی شرر اضطراب اوغول
..
سعی ایلمه دانشماغا اکبر اشاره ائت
سینونده یاره لر وئروری چون عذاب اوغول
..
تشریح اولا غزلده یارالی غزال دل
«اخگر» یازیب حدیث غمی بیر کتاب اوغول
..
..
..
#اکبریه #اخگر_مراغه_ای #اکبریه_شهادت #ترکی #زبدةالاشعار