ایلیکه خیمه گهده شاهیدن سر لشگر آیریلدی #عباسیه_نخستین

حالات وداع و شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم حاج مختار نخستین اردبیلی
.
.
ایلیکه خیمه گهده شاهیدن سر لشگر آیریلدی
امامت شمسی، تک قالدی او ماه انور آیریلدی
.
.
سوسوز قیزلار ققاقبن کسدی اول ماه دل آرانون
الیندن طاقت و تاب و توانین آلدی سقّانون
گلوب قول بوینونا سالدی ادبلن دخت زهرانون
دئدی باجی حلال ایله قاپوزدان نوکر آیریلدی
.
.
سوسوزلار ناله سی یردن اوجالدی عرش طاقینه
سو جامى الده قیزلار قاچدی سقّانون قباقینه
رقیّه خوردا بارماقین قویوب عطشان دوداقینه
او شیرین دلّی سقّادن ، او شیرین دیلّر آیریلدی
.
.
سو مشگین گتدی بیر قیز آلدی سقّا چیگنینه سالدى
ألى قوینوندا سقّا بوینی چگنینده حسین قالدى
او لب تشنه کبوتر شاهبازین دوره سین آلدی
اوچان شهبازیدن گویا اوچاندا شهپر آیریلدی
.
.
چخوب تل اوسته بیر باخدی حسینه غملو چاقینده
آخوب گوز یاشی گؤزدن حلقه ویردی گول دوداقینده
گوزی قارداش گؤزینده قلبی اما سو سراغینده
حسین بی یاور اولدى یاریدن بی یاور آیریلدی
.
.
سویون آلدی سسین آز قالدى روحی ایلسون پرواز
سپاهه بیر عقاب اوسته باخوب اول خشمگین شهباز
هیجان ایله دی دورت مین فراد اوستونده تیر انداز
ایله دعوا إئدوب نهر اوسته باشدان پیکر آیریلدی
.
.
فرات أوسته حسینون پرچم حرّیّتین ویردی
سوسوزلار یادینه دوشدی وزیرین دردین آرتیردی
سو مشگین سالدى نهره آب پر قیمتله دولدوردی
ئولن ئولدی قاچان ناچدی سو اوستن لشگر آیریلدی
.
.
سوار اولدى عقاب اوسته او شهباز هنر پرور
سو مشگین ده سوئی گؤردی هیاهو ایلدی لشگر
آجیقلی شیر تک اعدایه حمله إئتدى أول سرور
بدن دوشدی یره گؤز کاسه سیندن گؤزلر آیریلدی
.
.
کمان اوسته قویوب دورت مین نفر پیکانی تیر انداز
اوزاقدان تبره باران ایلیوب سقّانی تیرانداز
مشبّک ایله دى أول قامت رعنانی تیر انداز
حسینون گنج عشقیندن سو اوسته گوهر آیریلدی
.
.
کمین ائتدی نیستانی کمین گهده بیر آهن دلی
یره ساق پنجه سین سالدی ابالفضله اولوب قاتل
حسینون ایله دی کابینۀ شاهنشهین تعطیل
إئدوب قانیله امضاء دفترین سر دفتر آیریلدی
.
.
بویوردی ساق قولوم دوشدی منیم ای قوم بدفطرت
حسینه دینه قرآنه صولومدان ایلرم خدمت
گلون بیر بیر قباقه قاچمیون ای قوم بی غیرت
بئله فکر إئتمیون عبّاس ألیندن خنجر آیریلدی
.
.
گنه صول پنجه سیله حمله إئتدی لشگر شامه
إئله دعوا إئدوب هرگز ینیشمز شرحی اتمامه
کسیلدی صول قولی اولدی حسینه غملی برنامه
او زیبا قامت اوستوندن کسیلمیش اللر آیریلدی
.
.
کماندان چخدی بیر اوچ شعبه لی پیکان آخوب گئتدی
دگوب سو مشگینه مشگین سوئیلان قنان آخوب گئتدی
مریضیدی سوسوز قیزلار یره درمان آخوب گئتدی
دئدی سقا اولان ئوز آبروسین گؤزلر، آیریلدی
.
.
دئدی سو قسمتی اولمادی افسوس آل طاهانون
رقیّم قالدى عطشان اعتباری گئتدی سقانون
آت اوستوندن یخیلدی قانی آخدی قولسوز اعضانون
سو مشگین دن آخان سو تک یوزه اشگ تر آیریلدی
.
.
حسینی سسلدی امداده گل قارداش آنام گلدی
بویوردی دردوی ایله حسینه فاش آنام گلدی
أَزیلمش باشیمون اوسته آچوبدور باش آنام گلدی
حسین جان سن گلینجک باشیم اوستن مادر آیریلدی
.
.
.
.
.
#عباسیه_نخستین
#عباسیه_شهادت
#ایلیکه_خیمه_گهده_شاهیدن_سر_لشگر_آیریلدی
#ترکی
.
✍️ #زبدةالاشعار ✍️
.
🆔: @nohe_torki