باخوب اول باشه قالدی اوزگه حاله #حضرت_رقیه_غمناک_تبریزی

زبانحال حضرت رقیه سلام الله علیها
با سرمبارک حضرت سیدالشهدا علیه السلام
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
باخوب اول باشه قالدی اوزگه حاله
باسوبدور سینه سینه چکدی ناله
.
که ای سرو گلستان مدینه
ویرن قانیله سو گلزار دینه
.
خزان رنگیوه باد غم اسوبدور
جفائیله بو باشی کیم کسوبدور
.
ایدوبدور کیم سنی قانیوه غلطان
بوغازیندان یاراسندان آخارقان
.
باباسنسن که گورّم آشکارا
یاتوب من عالم رویاده آیا
.
باباسنسن بسان ماه تابان
بو قاره منزلی ایتدون درخشان
.
باباسنسن بسان شمس خاور
ایدوب سن کوفه و شامی منور
.
باباسنسن بیله ای خضر دوران
اولوب آب حیاتون بو قزل قان
.
باباسنسن واروندور صبر ایّوب
ایتوب بیر یوسفون اولدون چو یعقوب
.
بابا سنسن مگر یحیای ثانی
که قانون دولدوروب طشت طلانی
.
بابا سنسن منی ایتدون جگر خون
آخار گوزیاشیم ایمدی مثل جیحون
.
باباسنسن بسان شمع ماتم
گلوب اولدون منی نالانه همدم
.
داغلموش هانسی صحراده جلالون
اولوب آواره بو بیکس عیالون
.
اسیر اولدوم گلوب بو شهر شامه
که حسرت قالموشام آب و طعامه
.
ویروللار اوزلرینه زیب و زینت
گلوب شام اهلی ایلوللر شماتت
.
ایده گردش ایچون هرکیم تمنّا
گلوب ایلر اعیالیوه تماشا
.
بولوللر بیزلری اهل تملّق
ویروللر بیز لره هردم تصدّق
.
.
#حضرت_رقیه_غمناک_تبریزی
#حضرت_رقیه_شهادت
#باخوب_اول_باشه_قالدی_اوزگه_حاله
#ترکی
.
✍️ #زبدةالاشعار ✍️
.
🆔: @nohe_torki