ورود به کربلا
زبانحال امام حسین (ع) با خواهر
.
.
مرحوم شهاب تبریزی
.
.
بو سرزمین غمفزا کرب و بلادور ای باجی
یعنی فدای عشق ایچون کوه منادور ای باجی
.
.
بو یر همان یردور ازل ختم رسل خیرالبشر
جمله بلا و محنتین ویردی بیزه بیربیر خبر
بو یرده زهرا گلشنین باد خزان پامال ایدر
گلشن بیزوخ باد خزان بو اشقیادور ای باجی
.
.
امر قضایه اولموشام روز ازلده من رضا
سندیرمارام اؤز عهدیمی یوز شوقیله قیلّام وفا
تاب ایلرم بو جانیله بو باشه گلسه هر بلا
باشیمده کی عشقیم منیم عشق خدا دور ای باجی
.
.
بو غملو چولده موج ایدر بحر بلای اشقیا
چون غرق اولور اول بحریدہ کشتی آل مصطفا
یعنی که بحر ایچره دوشر بو قارداشین یازینبا
اوندان صورا شغلون سنون آه و نوادور ای باجی
.
جدّیم شبیهی اکبریم أوز قانینه غلطان اولور
گیسولریندن دمبدم قان قطره سی ریزان اولور
بو قاسم شهزاده نون جسمی سراسر قان اولور
هر محنت و غمدن بو غم چوخ غمفزادور ای باجی
.
.
قتله یتر بو دشتیده هر یار و انصاریم منیم
روی تراب اوسته دوشر قولسوز علمداریم منیم
قالّام کمکسیر بیر نفر اولماز هواداریم منیم
بسکه جفای اشقیا بی انتهادور ای باجی
.
.
راه فراتی کوفیان باغلالّا آل حیدره
من ایسترم بیر شربه سو بو شیرخواره اصغره
اوخلالّا حلقین بی سبب لرزه سالالّار گویلره
اصغر قانی سرمایۀ روز جزادور ای باجی
.
.
جان نقدینی ویرّم باجی شوقیله من جانانیمه
بو چولده عاشورا گونی جسمیم باتار اؤز قانیمه
بیر کافر اول وقته چخار بو سینۀ سوزانیمه
اول نامسلمانون آدی شمر دغادور ای باجی
.
.
بو حالیدہ گورسن منی گلمه نوایه صبر ایله
جان و دلیله من کیمی امر قضایه صبر ایله
گورسن وروبلار باشیمی نوک جدایه صبر ایله
او گونده معراجیم منیم نوک جدادور ای باجی
.
.
بزم عزاده متصل آغلا «شهاب» اول دیده تر
لکن بو غمم شرحین داخی ایتمه بیان قیل مختصر
فریاد او وقت دن زینب کبرایه یتدی بو خبر
بو سرزمین غم فزا کرب و بلادور ای باجی
.
.
#ورود_کربلا #شهاب_تبریزی #ترکی #زبدةالاشعار
نظر دهید