قاره علم لر …
.
✍️ زبدة الاشعار ✍️
?: @nohe_torki
.
مرحوم اعظمی تبریزی
.
بو قاره علم لر کی وار آثار حسیندور
اسلامی بیله زنده ایدن ثار حسیندور
.
مشهوردور خلق ایچره حسین عشق طبیبی
عالمده اودور چوخلاری بیمار حسیندور
.
خضر آختارار هرچند هامی دهریده،اما
چوخ خضر بوگون تشنۀ دیدار حسیندور
.
باخ شأنه حسين قبرين ئوپن حشرده یانماز
خوش حالینه هر کیمسه کی زوار حسیندور
.
بیر باب الحوائج کی آدی حضرت عباس
اول عز و شرف صاحبی سردار حسیندور
.
زینب اورگینده یازیلوب سر شهادت
گور دهریده زینب نجه دلدار حسیندور
.
تاپشوردی حسین زینبه بو پرچم دینی
تا بلسون هامی زینب علمدار حسیندور
.
دین اوسته حسین گیچدی اوگون ماملکیندن
حیرتده قویان عالمی کردار حسیندور
.
قارداشلارینی سودامرین پیر و جوانین
قربان ویرن اسلامه فقط کار حسیندور
.
آخدوقجا حسین قانی یازوبدور یره یاحق
دین پایه سینی محکم ایدن ثار حسیندور
.
عالمده کسیک باشیله قرآن مبینی
پاینده ایدن نطق گهربار حسیندور
.
بلسونله حسین مکتبینه درسه گلنلر
چکسون هامی دین غیرتی گفتار حسیندور
.
دین غیرتی اوستونده حسین قانه بویاندی
هر کیمسه ده دین غیرتی وار یار حسیندور
.
چون آتدی گوزیندن هامونی ساخلادی دینی
حشره کیمی معبود نگهدار حسیندور
.
عالمده دیمه بیکس حسین،عالم اونوندی
سکان سما یار و هوادار حسیندور
.
عرشه چکیلوب قاره حسین قانه باتاندان
گوگلرده ملکلر ئوزی غمخوار حسیندور
.
آیا بلوسن کعبه نیه قاره گیوبدور
یعنی کی خداوند عزادار حسیندور
.
دین مشعلینی ساخلادی تاریک زماندا
شعله سالان هر محفله رخسار حسیندور
.
بول قیمتینی حرمتینی ساخلا عزیزیم
بو قاره علملر کی وار آثار حسیندور
.
بو مجلس ماتمده مودب گلوب اگلش
زهرا دولانور چون بورا دربار حسیندور
.
غفلت ایلمه گل ایله عقبایه تجارت
ویر اشک متاعین بورا بازار حسیندور
.
عالمده حسینیلر حسین امرینه باخسون
سرمشق ویرن عالمه رفتار حسیندور
.
هر کیمسه حسینون ایده گر خوار عزاسین
حشره کیمی واللهی ئوزی خوار حسیندور
.
عزت تاپار هر کیمسه ویره زینت عزایه
خدمت ایلین ماتمه انصار حسیندور
.
وار قیمتی عالمده عزادار حسینون
خوشحالینه هر کیمسه عزادار حسیندور
.
سن قاره علملردن الون «اعظمی» ئوزمه
بو قاره علملر کی وار آثار حسیندور
.
#قره_پرچم
#ورود_محرم
#حسینیه_مدح
#بو_قاره_علم_لر_کی_وار_آثار_حسیندور
#اعظمی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید