بو نیتیله خانم گلمیشوخ یانان قاپوا #فاطمیه_اخگر_مراغه_ای

یانان قاپی
..
..
..
..
محمد اصغروند(اخگر مراغه ای)
..
..
..
..
بو نیّتیله خانم گلمیشوخ یانان قاپوا
اجازه وئرسون اولاخ بیزده نوحه خوان قاپوا
..
سنون یانان قاپووین شأنی وار شرافتی وار
بیزیم حسین آقامیز آغلیوب همان قاپوا
..
کیموخ یانان قاپووین سایه سینده دالدالاناق
دخیل اولار بیلروخ صاحب الزّمان قاپوا
..
قاپو دالندا نه لر اولدی واضحاً دئمرم
یاخیلدی فاجعه دن اوندا ایستی قان قاپوا
..
یارالی قوش کیمی زینب دولاندی هی باشیوا
سنه باخاردی گهی گاه اوتلانان قاپوا
..
دییردی هی نه نه دور گوزلرون قاداسین آلوم
گوزوم سرشگین ائدور گور نئجه روان قاپوا
..
قالوب کمک سیز آتام دوزملی زمان دگولی
گتورمیشم نئجه گور آهیله فغان قاپوا
..
بو قان نه قاندی آنا سینه وی ائدیب رنگین
که رنگ تازه وئریب حشره تک عیان قاپوا
..
آغاردی رنگ رخون تیره شبده ماه کیمی
فشار جسمه دوزوب گلدی خسته جان قاپوا
..
قوی ال بو سینه مه گور چرپنور نئجه ئورگیم
حدیث عشق اولونور قلبدن بیان قاپوا
..
یانان قاپو غمینه یاندی کائنات تمام
گلوبدی اخگریمیز دلده الامان قاپوا
..
..
..
#فاطمیه #اخگر_مراغه_ای #فاطمیه_شهادت #ترکی #زبدةالاشعار