نولیدی عمه منیم تیره روزگاریم اولیدی #حضرت_رقیه_وافی_تبریزی

زبانحال رقیه(س)به زینب (س)در خرابه شام
.
✍️ #زبدةالاشعار ✍️
.
🆔: @nohe_torki
.
مرحوم وافی تبریزی
.
نولیدی عمه منیم تیره روزگاریم اولیدی
دویونجا آغلاماقا الده اختیاریم اولیدی
.
گلنده نالیه شام اهلی ناسزا دیمییدی
نه عزت و نه جلالیم نه اعتباریم اولیدی
.
بابا دیوب دولانیدیم خرابۀ شامی
ایفاقه غملریمه چشم اشکباریم اولیدی
.
گلوب گیدنده تماشایه دورمییدی شام اهلی
یریم خرابه بو ذلّت همیشه کاریم اولیدی
.
خرابه لرده قوری یرده آج سوسوز گیجه لر
فغان و ناله ایشیم شغلیم آه و زاریم اولیدی
.
بیری ویریدی بو احوالیمی بابامه خبر
بو غملی حالیمه آگه او تاجداریم اولیدی
.
بابام گلیدی باشیم اوسته اگلشیدی گوریدیم
او گل جمالینی راحت دل فکاریم اولیدی
.
بو حسرتیله اورکدن خوشام خانم عمه
بو حال پر اسفیم حال احتضاریم اولیدی
.
اسیدی باد اجل گل یوزوم سولوب سارالیدی
خزانیم اوّل عمریمده نو بهاریم اولیدی
.
ویرنده جان قولومی بوینوما سالیدی بابام کاش
گوزوم یوزینده اولوب رفع انتظاریم اولیدی
.
نولیدی قولاریمی شمر بی مروّت آچیدی
که راحت آخر عمریمده جسم زاریم اولیدی
.
زبسکه باشیمه قمچی ووروب رضایم ئولم
خلاص بلکه بو جسم ضعیف و زاریم اولیدی
.
هانی او گون که گوریدیم جوان علی اکبر
آلوب کناریمی دنیایه افتخاریم اولیدی
.
ایکی الیله گوزوم یاشینی سیلیدی منیم
او مهربان اله بو خسته جان نثاریم اولیدی
.
رقیه غملری «وافی» تمام اولا مشکل
گرک بو قصّه مجالسده یادگاریم اولیدی
.
.
.
#حضرت_رقیه_وافی_تبریزی
#حضرت_رقیه_شهادت
#نولیدی_عمه_منیم_تیره_روزگاریم_اولیدی
#ترکی
.
✍️ #زبدةالاشعار ✍️
.
🆔: @nohe_torki