بولدی علینون باشینی #حیدریه_آسال_اردبیلی

در ضربت خوردن حضرت امیرالمومنین علیه السلام

✍️ زبدة الاشعار ✍️

?: @nohe_torki
ـ
نوید آسال اردبیلی
ـ
سبک ها :: بزم عزاده گیمیشم … ممد نبودی ببینی
ـ
بولدی علینون باشینی
خنجر اعدا آه و واویلا
قانه بویاندی سجده ده
عُروَةُ الوُثقی آه و واویلا
آه واویلا آه و واویلا
ـ

اولدی هدف شیرخدا
تیغ برانه بویاندی قانه
ایتدی خیانت اشقیا
شاه مردانه میر فرزانه
لرزه سالوبدور بو بلا
جسم قرانه عدن و رضوانه
عرش حقه چکدی قرا
بو غم عظما آه و واویلا
ـ

سردار جنگ خیبری
ای خلق عالم وارث ملجم
قانین توکوبدور مسجده
باشلانوب ماتم محنت اعظم
باشه ویرور قان آغلیور
حوا و آدم زهرا و خاتم
هردم دیور اهل سما
وای علی مولا آه و واویلا
ـ

ظاهرده عُمرِ مرتضی
چاتدی زواله یتدی وصاله
باخدی ملکلر آغلادی
قانلی جماله هاشمی خاله
زهرا گهی غش ایلیور
گه گلور حاله ایلیور ناله
سسلور فدا قانلی باشا
دلبرون زهرا آه و واویلا
ـ

اوتوز بیر ایلدی یاعلی
گوزلورم سنی یادایله منی
هر زمان قانه بویالّار
حق سوز دیَنی لشکر دنی
اهل سما ایستور گوره
شاه زمنی خیبر شکنی
حاضردی استقبالووه
جنت الاعلا آه و واویلا

ـ

بیر کسه یوخدور عالمون
ذره وفاسی چوخدی جفاسی
سن سیز ریاض جنتون
یوخدی صفاسی یوخدی جلاسی
اولسون مسمار در باتان
سینم یاراسی باشون فداسی
باش یاروون درمانی گل
منده دی آقا آه و واویلا
ـ

شَقُّ القمر ایتدی بیرده
زهریلی خنجر ای شه محشر
عمّامه سین آلمیش اله
ختم پیغمبر گوزده اشک تر
احمد دیور نوحه ویرور
باشه ملکلر آغلاشور یکسر
حور و انس و جن و پری
ایلیور نوا آه و واویلا
ـ

دوغماز سنون تک یاعلی
مادرِ دنیا سید و مولا
نور جمالوندن سنون
تاپدی تجلا سینۀ سینا
حاشا چاتا اجلالووه
اسحاق و یحیی عیسی و موسی
من تک سنونده قدرووی
بیلمدی اعدا آه و واویلا
ـ

#سبک_بزم_عزاده_گیمیشم

#حیدریه_شهادت #حیدریه
#بولدی_علینون_باشینی
#آسال_اردبیلی
#ترکی

✍️ #زبدةالاشعار ✍️

?: @nohe_torki