شب عاشورا
✍️ زبدة الاشعار ✍️
🆔: @nohe_torki
حاج اصغر فرشچی ( عدلی تبریزی)
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
محفلی تاریک ایدوب گئتسون گیدن یارانیدن
گئتمیوب اصحابیدن آیرولمیوب سلطانیدن
تک تکی دین اوسته حاضر اولدی گچسون جانیدن
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
اولدولار حاضر او گون اسلامه خدمت ایتماقا
بیر حسینی نهضته اول چولده شرکت ایتماقا
ویرماقا باش حفظ دین اوسته همت ایتماقا
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
قادیلار دینون یولوندا غملره توش اولماقا
وصل یار آختاردیلار یاره کفن پوش اولماقا
مرگی استقبال ایدوب خاکه هم آغوش اولماقا
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
ایستیوبلر قان ویروب تا قانه دولسون کربلا
قرمزی گٌللر آچا قاندان او دشت نینوا
نشر اولا بو عالمه قانیله نهضت بر ملا
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
سالکان عشقه همگام اولدولار اول گون تمام
عالم عشق حسینده تاپدولار عالی مقام
جان ویرنده باشی اوسته گلدی چون شاه اَنام
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
ایلیوبر صبحه تک راز و نیاز یزدانیلن
چادر عشق ایچره مشغول نماز جانانیلن
ایتدیلر بیع و شراء ایمانیلن قرآنیلن
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
نهضت عالی ایدوب دنیانی حیران قویماقا
خط سیر غیر حقه خط بطلان ویرماقا
صبح آچولسا ریشۀ اسلامه بیر قان وِرماقا
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
بو گجه طبل بشارت کوفیان چوخ چالدیلار
خردا قزلار قورخودان اخیامه شیون سالدیلار
پیر و برنا صف چکوب اللرده شمشیر آلدیلار
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
های و هوی دشمنه سس ویردیلر باش قاتدیلار
بیر نمایش ویردیلر قورخان اوشاقلار یاتدیلار
بالش غم اوسته قویا مختصر باش آتدیلار
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
شیر اولان شیر اوغلی عباسی گوروبلر صفده دی
سسلوری الله اکبر هر نه وار اکبرده دی
قدرتیم وار قوخمیون تا اللریم بو تنده دی
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
زینب کبرا باخاردی اکبریله قاسمه
هر ایکی الده حسام آلموش دیور بی واهمه
حاضروخ دین اوسته جان بذل ایتماقا جانانیمه
بیر نفر ترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
زینب کبرا ایکی اوغلون ایدور تشویق جنگ
نیزه و اوخ آتماقا آماده ایلور بی درنگ
اورگدور نه نوعی ویرسونلا عدویه پا لهنگ
بیرنفرترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
بو گجه لایلای دئیوللر اصغره یاتمور بالا
صورتین خط خط ایدور سو فکرینی آتمور بالا
اللرون باغلور آنا مقصودینه چاتمور بالا
بیرنفرترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
بیر محقق هم شخیص و شاهد و جنت مکان
عالم ربّانی یازدی بو سوزی ایتدی عیان
(عدلینون ) وار اعتقادی ایلوری بو نوع بیان
بیرنفرترک اِتمیوب مظلوم حسینی بو گجه
قالدیلار حفظ ایتماقا قرآن و دینی بو گجه
#شب_عاشورا_عدلی_تبریزی
#بیر_نفر_ترک_اتمیوب_مظلوم_حسینی_بو_گجه
#ترکی
✍️ #زبدةالاشعار ✍️
🆔: @nohe_torki
نظر دهید