شرط عشق چیست ؟ و عاشق کیست ؟
بیانی از سیر سالک راه عشق از کعبه تا کربلا
..
..
مرحوم عابد تبریزی
..
..
تا بزمگه وصله اولا رهسپر عاشق
اوّل قدم عشقده باشدان گچر عاشق
..
اعلان وفا ایلماقا خلق آراسندا
معنالره ایستر ویره رنگ صور عاشق
..
درک ایتماقا مطلوب دلین أوز وطنیندن
حق رحمتی تک کعبیه ایلر گذر عاشق
..
تلقین محبّتله مقامی هوسینده
آئینۀ آفاقه سالار بیر نظر عاشق
..
حول حرم حقّده آختاردیقی نوری
بیر قانلی بیاباندا گورر جلوه گر عاشق
..
ترک ایلر امانگاهینی شوق خطریله
تاپسون حرم قرب ده عالی خطر عاشق
..
أیضاح مناهج سر و سوداسی باشندا
أکمال مناسکدن ارادت کسر عاشق
..
طوف حرم عشق هواسیله حرمدن
تکمیل حدود ایلمه میش کوچ ایدر عاشق
..
فعلیله وفا قولینه آرترماقا تحقیق
سرگشته دوشر چوللره شوریدہ سر عاشق
..
موسی کیمی ربّی ارنی نغمه سی دلده
میقات ملاقاته اولا رهسپر عاشق
..
نفسى بولر اوفی ایلمز خواهش عشقی
بیر عدّه ده ایلر اوزونه همسفر عاشق
..
چون مرکز منظومۀ شمسی یر اؤزونده
اطرافنه رخشنده کواکب دوزر عاشق
..
سیّالۀ نامرئی امواج وفادن
انصارینی عزمندن ایدر باخبر عاشق
..
بیر طیّ نگاه دل آگاهله یولدا
همرهلری معیار وفادن سچر عاشق
..
میعاد محبّتده سالار رحل اقامت
شوقیله بلا مقدمینه منتظر عاشق
..
توپراقه گورر اوّل سوداده توکولموش
بیر عدّه غم هجرده خونین جگر عاشق
..
عهد ازل احکامینی ایتماقلیقا اجرا
هر محنت و اندوه و بلایه دؤزر عاشق
..
آرتدیقجا بلا و غمی آرتار جذباتی
شوقیندن اولار گل کیمی بشکفته تر عاشق
..
تفسیر اولا ایستر عملاً فصل فَدَینا
اؤز جوهرۀ نفسینی قربان ویرر عاشق
..
بیر سابقه سیز عیش ده دامادنه لایق
قانلی کفنی جامۀ عشرت بولر عاشق
..
بیر جان کیمی قارداش غم مرگینده اؤرکدن
باغلار کمری کسرینه محکم کمر عاشق
..
آرترماقا اعجاب تقاضای وفانی
اوخ دایه سینه بیر سود امر گوسترر عاشق
..
بیر پرده ده قانیندن اثر حفظ اولا ایستر
افلاکی بو تشریفه ایدر مفتخر عاشق
..
بیر نقش بو ایوانه ویرار قانیله قویماز
ویران اولا بو بارگه هفت در عشق
..
هر نجمی باتار ابر شهادتده غمینده
گوزدن اوزه مین کوکب رخشان توکر عاشق
..
بیر لا و بلانی طلب نصرت أیدنده
تفکیک حق و باطله معیار أیلر عاشقی
..
معنای تجرّد یته نفسینده تمامه
أل تک نه عیالی اؤز اؤزوندن اوزر عاشق
..
تثبیت اولا اوچ اصل وفا، عشق، شهامت
آغوشه چکر بیر نچه تیر سه پر عاشق
..
زاهدلره زهدینده أولا وجه تمایز
آنّیندا قویار سنگ جفادن اثر عاشق
..
بیر اوخدا تاپار نقش لقای رخ جانان
بو نقشی همان تیرله قلبه تیکر عاشق
..
مسجود ایده درگاهینی اهل دله، ایلر
خاک در معشوقنی کُحل بصر عاشق
..
خاک اوسته دوشر، ثقل وقاریله، غمینده
قویماز اولا عالم هامی زیر و زبر عاشق
..
دلدن دله ایستر گتیره شیر محبت
معشوق آدینی تشنه لبیله اؤپر عاشق
..
مکسور سُور صدرینی تا قلعۀ وصله
آچسین بو شکستیله طریق ظفر عاشق
..
قانیله ویرر سو، ستم باد مخالف
قویماز ایده دین نخلنی بی برگ و بر عاشق
..
توپراقه قویار گول یوزون آخر نفسینده
اظهار ائده معشوقینه سلمین مگر عاشق
..
قان لجّه سنه غرقه سُور فُلک حیاتین
بحر غمه دنیانی ایدر غوطه ور عاشق
..
نه پایه ده دور گُستره خصمنده دنائت
بیر کهنه لباس اگنینه آخر گییر عاشق
..
تفصیلله تحصیل اولونان درس وفانی
بیر ترک سر ایتماقدا ایدر مختصر عاشق
..
قانیندن ائدر سیل روان، سوز خیامی
قویماز ایده دنیا یوزونی پر شرر عاشق
..
انجم یرینه نقش هلالیله وجودین
گردون کیمی پر مشعل ایدر سر به سر عاشق
..
طور آتشنی بارقة شمع رُخیله
بیر نخل سنان اوسته ایدر شعله ور عاشق
..
ماهیت مقصودینی آندیرماقا خلقه
تکبیر جدالرده مکرّر دبیر عاشق
..
مذبوح اولونان بیر باشیله نوک جداده
اؤز اهلینه یولّاردا اولار راهبر عاشق
..
گون تک گورونر نقش هلالیله جداده
تا اهلینه شام غمی ایلر سحر عاشق
..
کهف آیه سی باشلار بو امیدیله که تاپسین
اوز سجده گهی اؤسته نشان حجر عاشق
..
کول اوسته یاتار دیره گیدر باشیله أیتسین
تا انفس و آفاقده سیر سیر عاشق
..
تعقیب مرامینده یتندن صورا قتله
قالی باشیله نیزه ده شامه گیدر عاشق
..
وارث أولا یحیی مثلین ایلیه تجدید
آرامگه ایستر باشنا طشت زر عاشق
..
بیر هر ایکی دنیایه بها گوهر غلطان
مخزون اولا ویرانه ده دلدن سُوَر عاشق
..
هر بوالهوسه عاشق صادق دیماق اولماز
واقعده شه کرب و بلا دور اگر عاشق
..
بو بیرنفره عشقه همپایه تاپیلماز
هر گون گله دنیایه اگر مین نفر عاشق
..
عشق اوندا گرامیدی که معدودیدی اهلی
عاشقده نه قیمت اولا گر هر بشر عاشق
..
«عابد» یتور اتمامه سوزون گرچه یتیشمر
پایانه بو مطلب یازیلا هر قدر عاشق
..
عاشقده اگر درج اولونوب عین غم ایتمه
معشوق یولوندا چون ایدر ترک سر عاشق
..
خوش طرزیله نظم اولدی بو أشعار ولیکن
بیر اوزگه بیانیله یازیب أوزگه لر عاشق
..
..
#حسینیه_مدح #خروج_مکه #ورود_محرم #ورود_کربلا #حسینیه #عابد_تبریزی #ترکی
نظر دهید