ترکیب بند مدح و مرثیه حضرت زهرا سلام الله علیها
.
.
حاج داود #بیدقداری
.
جهان بیر قطره دی دریادی زهرا
امید بخشش فردادی زهرا
.
چالیش شخصیتین درک ایله شیعه
مقام عصمته دارادی زهرا
.
رسالتله ولایت اتصالی
سرور سینه ی طاهادی زهرا
.
اگرعیسی امید مریمیدی
امید یازده عیسادی زهرا
.
مقامینده همین بسدور که کفو
علی عالی اعلادی زهرا
.
زکیه ،فاطمه،منصوره آدلی
امینه، طاهره ، عذرادی زهرا
.
یوزون گیزلتدی اعمادن ایوینده
نماد عصمت وتقوادی زهرا
.
دئیوبلر قرنیلر مدحین ولیکن
گنه قدرینده ناپیدادی زهرا
.
طعامین یوللیوب حی تعالی
اودور منطقده روح افزادی زهرا
.
حسین وزینبی محبوب عالم
ئوزی محبوبه ی یکتادی زهرا
.
اولایوزمین فدک یوخ احتیاجی
اورکلر ملکینه دارادی زهرا
.
ئوپر گون گونده خاک آستانین
ئوزی مهرجهان آرادی زهرا
.
نه ایرادی دئسم حبل المتینه
بیرآیری عروه الوثقادی زهرا
.
تخیل عالمی یازدیم که راز
عروج لیله الاسرادی زهرا
.
چکنده کوچه ده مظلوم علینی
گوروبلر حامی مولادی زهرا
.
ال آتدی دامن مولانی دوتدی
حمایتدده دئدی اولادی زهرا
.
.
اشاره قیلدی بیرنامرده ثانی
آلوب دیلدن قرار مرتضانی
.
.
آچیق یازمام نجه ال چکدی زهرا
نه نوعی بیعته یولاندی مولا
.
یازا بیللم که زهرایه باخاندا
علینون حالینه آغلاشدی حورا
.
چکوبلرمسجده شیرخدانی
هیاهویه دوشوب دورینده اعدا
.
گوروبلر ناگهان بیرسس اوجالدی
اولوب حق حنجر زهراده گویا
.
بویوردی دختر پیغمبرم من
منه خاطر اولوب برپا بودنیا
.
منم ایمان منم تقوایه الگو
ائدوبدور مدحیمی دادار دانا
.
اگرنفرین ائدم بیرلحظه قالماز
یئرینده قالماقا گویده توانا
.
علی دینمور حیادن چخمیون سیز
سکوتین ائتمیون ضعفینده معنا
.
بلکده قولاری باغلانمیوبدور
ولی سیز باغلیوبسوز بی محابا
.
سفیر کبریا ایلوب وصیت
علی قیلسون بوامتلن مدارا
.
وگرنه بیرنفرقالمازدی یئرده
چکردی سیزلری شمشیره یکجا
.
یئرین اوستونده گوی آلتیندا یوخدور
عم اوغلوم حیدره قدرتده همتا
.
آچون قولارینی آغلور حسینیم
ائدوب زینب عزا اجلاسی برپا
.
دئدی بوسوزلری ال آتدی باشه
اولوبدور معجزه مسجدده پیدا
.
او دمده قوزانوبدور سقف مسجد
ثراده گورسنوب نور ثریا
.
گلوب گفتاره تئز مظلوم عالم
منه خاطر دئدی صبرایله زهرا
.
.
گوروب روح رسول اللهی ناظر
دایاندی فاطمه مولایه خاطر
.
.
قوتاردی بیعتین گویابلاسین
گتیردی منزله رحمت هماسین
.
علینی فاطمه اللردن آلدی
ثبوت ائتدی نبوغ رهگشاسین
.
دولاندی باشینه ایوده علینین
نشان وئردی اونا بی حد وفاسین
.
دئدی تا من وارام سن غصه لنمه
ئوزوم آ للام ولانین هر بلاسین
.
عم اوغلی باشووه گونده دوللانام
گوررسن مهرعزت انجلاسین
.
طبیبیم باخما سینه مده یارام وار
گتیررم من اله قلبون رضاسین
.
سلام ائتمور سنه اهل مدینه
ایتیردی بوجماعت مقتداسین
.
ئوزوم وئررم سلام آللام سلامون
آپاررام صورتوندن غم نماسین
.
گنه طبعیم الینده سئیر خامه
گریزه چکدی شعرین انتهاسین
.
همان زهرا که یارحیدریدی
غروبین وقتی قورتاردی نواسین
.
چراغلار یاندی یثربده ولیکن
علینین آلدی گوزلردن ضیاسین
.
باخوردی دورد اوشاق حیرتله یارب
قویوبلار رو به قبله دین فداسین
.
گنه زینب سکوتی سندیروبدی
اشاره یله دئیوب امت جفاسین
.
دئدی راحت یاتون ای یثرب اهلی
آنام ئولدی قوتاردی آه و واسین
.
قالوبدور دورداوشاق، جانسیزجنازه
ائدوبسوز بی کمک دین پیشواسین
.
مراعات ائتمدوز هچ یرده حالین
نظرده آلمادوز الله رضاسین
.
.
عزاداریدی درگاهی یاناندا
یارالیدی اونی قنفذ ووراندا
.
#فاطمیه_مدح
#فاطمیه_شهادت
#جهان_بیر_قطره_دی_دریادی_زهرا
#ترکی
.
#زبدةالاشعار
.
: @nohe_torki
نظر دهید