حقی وار زینبیوین یاتمیا راحت گئجه لر #فاطمیه_حیدری_زنجانی

زبانحال حضرت زینب کبری (س) در فراق مادر
..
..
..
..
..
شیراله حیدری زنجانی
..
..
..
..
..
حقی وار زینبیوین یاتمیا راحت گئجه لر
سنه ایتمیشدیم آنا چونکه من عادت گئجه لر
..
..
..
..
..
بو یتیملیق اوتونا قلب ملولیم آلیشار
منی آغلاتماقا چوخ گردش دوران چالیشار
قیز اوشاقی داریخاندا آناسیلان دانیشار
کیمیله سن سیز ائدوم من آنا صحبت گئجه لر
..
..
..
..
..
باشیمه سایه سالاردون اودا بیر گونلریدی
قیدیمه گونده قالاردون اودا بیر گونلریدی
منی آغوشه آلاردون اودا بیر گونلریدی
منی دلدن سالوری بو غم حسرت گئجه لر
..
..
..
..
..
لانه سین ترک ائلمز سینسا قوشون بال و پری
او قدر صبر ایلییر توختیا تا یاره لری
یارالی گیتدون ائویندن ندن عصمت گهری
قالمادین تا ایلیم درده طبابت گئجه لر
..
..
..
..
..
سوروشور نازلی باجیم هاردا آنام سویله گله
دوتورام زحمتیله ای آنا کلثومی دیله
سنی گوزلور گله سن اود ویروری غملی دله
او یاتور من اویاقام قلبیده محنت گئجه لر
..
..
..
..
..
چرخی سینسون فلکون باشیمی غوغایه سالوب
الله عالمدی قیزین زینبی نه حاله سالوب
خاصه قارداشیم حسین طاقتیمی الدن آلوب
اویانور ایستوری سو دلده حرارت گئجه لر
..
..
..
..
..
دیده لر ایوده بهار ابری کیمی جمله دولوب
سارالوب گل بالالارون یوزی گل مثلی صولوب
حسنین تک اوتوروب دینمه ماقی محنت اولوب
نه گوروب دیسگینوری قلبیده وحشت گئجه لر؟
..
..
..
..
..
نقدر خیردا اوشاقین اولی صبری آنا جان
خجل ایلوب گوزومون بارشی ابری آنا جان
بولمورم محسنوین هاردادی قبری آنا جان
ایلیم مرقدینی بلکه زیارت گئجه لر
..
..
..
..
..
هر غمیمدن باش اولوبدی آتامین دردی منه
حسرتیله باخور ائوده داغیلان انجمنه
گوزلیور نصف شبی تا دِیه دردین او سنه
ترک ائدور منزلینی شاه ولایت گئجه لر
..
..
..
..
..
قبریوین اوسته آتام ایله غریبانه گلور
آشنا صبر ایدوری تا یاتا بیگانه گلور
نار حسرتله ویرور اوت بو دل و جانه گلور
زینبی یاندیروری آتش غربت گئجه لر
..
..
..
..
..
غربتین دردینی هر دردیدن اولا سانورام
شمع تک آب اولورام من آنا سسیز یانورام
باخورام بوش یریوه صبحه کیمی اودلانورام
تئز قوجالدار منی بو محنت فرقت گئجه لر
..
..
..
..
..
گوندوزون درد و غمی گوز یاشیمی قانه قاتار
آیری غم یوز ویروری گون آنا جان تا که باتار
گوندوزی کیم یورولار آخشام اولان وقته یاتار
یاتیرام هی دورورام یوخدی فراغت گئجه لر
..
..
..
..
..
کیم دویار اوز آناسیندان ، آناسی ئولسه جوان
آناسی یاده دوشن وقته ائدر آه و فغان
بولمسن (( حیدری )) بیر امر مسلمدی اینان
نه چکوب صبحه کیمی مام مصیبت گئجه لر
..
..
..
..
..