سو یولارین کسوبدور ظلمیله قوم عدوان #فرات_شوری_تبریزی

بسته شدن راه فرات
..
..
..
..
..
مرحوم شوری تبریزی
..
..
..
..
..
سو یوللارین کسوبدور ظلمیله قوم عدوان
دور چاره قیل اماندور یاندیم عمو سوسوزدان
..
..
..
..
..
سن وارث دلیر سلطان اولیاسن
مظلوم آقام حسینه هم صاحب لواسن
مشهور سن بو اسمه سقای کربلاسن
انصافدور قالاخ بیز خرد و بویوک لب عطشان
..
..
..
..
..
سن اولموسان ازلدن بیز اهلبیته سقّا
بس گورموسن کسوبدور سو یولّارینی اعدا
یا ملتفت دگولسن بو تشنه کامه گویا
سن تک عموسی اولسون ایتسون سکینه افغان
..
..
..
..
..
گور شیر خواره اصغر گلموش نجه فغانه
سود یوخ سو یوخ قالوبدور بو چولده یانه یانه
ایستی هوا سوسوزلوق بیر نوعی گتدی جانه
سودسوز قالان آناسی والیه دی دیده گریان
..
..
..
..
..
عَمَّمله بو خیامی بیر بیر عمو دولاندوخ
هر خیمه ایچره بیر آز سو آختاروب دایاندوخ
بر جرعه سو تاپولموب عمّمده منده یاندوخ
مأیوس اولوب قایتدوخ قالدوخ بو امره حیران
..
..
..
..
..
آیا عمو روادور نهر فرات آخسون
یاندورسون اهلبیتی اما بو غصّه یاخسون
قزلار سو جامی الده حسرتله نهره باخسون
بیر مشگ سو گتورماخ واردور الونده آسان
..
..
..
..
..
باخ گور آنام نه نوعی لابد قالوبدی ناچار
لای لای بالا دیور یات اؤز اصغرینی اوخشار
نه خیمده سو واردور نه دوشلرینده سود وار
اولما رضا عموجان اصغر ویره سوسوز جان
..
..
..
..
..
باخ گور نجه سوسوزدان آغلور یانور اوشاخلار
نی تک گلوب نوایه هر تک تکی سیزیلدار
سو جامی الده قزلار گور نه سو آختارولار
بعضیسی غشّ ایدوبدی ایلولّه آه و افغان
..
..
..
..
..
دوشدوخ عجب عموجان بو چولده بیز بلایه
سندن صورا کیمیم وار من سسلیم هرایه
اهل حرم سوسوزدان یکسر گلوب نوایه
بیر مشگ سو دور ایله بیز اهل بیته احسان
..
..
..
..
..
ال ساخلا شوری یازما سن بو سو ماجراسین
سقّای کربلادن سن ایسته کربلاسین
گیت بیر ایشت او یرده سن العطش صداسین
عطشانلارا دئ جانیم ایکاش اولیدی قربان
..
..
..
..
..