نازلی اصغریم لای لای #اصغریه_کریمی_مراغه_ای

زبانحال حضرت رباب (س) به حضرت علی اصغر (ع)
..
..
..
#سبک_مهربان_بالام_لایلای
..
..
مرحوم کریمی مراغه ای
..
..
نازلی اصغریم لای لای
جان کبوتریم لای لای
اوچیلار جفاسیندن
قانلی شهپریم لای لای
..
..
..
آی دادیم دوزوم لای لای
آخمیش اولدوزوم لای لای
نازلی سویملی املیک
صود امر قوزوم لای لای
..
..
..
سو دئیوب یانان لای لای
تشنه اوخلانان لای لای
بیرده آچ گوزون آغلا
قوی دیسین آنان لای لای
..
..
..
آچمامیش صولان لای لای
تئز خزان اولان لای لای
قونداقی قوجاقیمده
قانیله دولان لای لای
..
..
..
زلفی یاسمن لای لای
عمریمه ثمن لای لای
صودلی امجگه حسرت
قانلی اوخ اَمن لای لای
..
..
..
جانه اود سالان لای لای
صبریمی آلان لای لای
اوچ گیجه قوجاقیمده
ال ایاق چالان لای لای
..
..
..
خوشدی من چالام لای لای
قیدیوه قالام لای لای
دوشلریمه صود گلسه
سسلرم بالام لای لای
..
..
..
ای دل آچمیان لای لای
سوز دانیشمیان لای لای
نازیله قباقیمجه
بیرده قاشمیان لای لای
..
..
..
قانینه باتان لای لای
سو غمین آتان لای لای
آلتی آی قوجاقیمده
باشیمی قاتان لای لای
..
..
..
گول کیمی خزان لای لای
حالیمی پوزان لای لای
دیرناقیله سینمده
العطش یازان لای لای
..
..
..
سینه ده گولوم لای لای
دوتمیان دیلیم لای لای
قوی بوغازیوین قانین
زلفیله سیلیم لای لای
..
..
..
درده درمانیم لای لای
تشنه قربانیم لای لای
گول بوغازیوا قربان
بو ذلیل جانیم لای لای
..
..
..
نو ظهور غم لای لای
کشتۀ ستم لای لای
باشی بیر سینان گول تک
ساقه سینده خم لای لای
..
..
..
جان عزیز جان لای لای
طفل بی زبان لای لای
بوش سو جامینی گورجک
آغزینی آچان لای لای
..
..
..
شمع تک سونن لای لای
بختی تک دونن لای لای
نازنین رقیّه مدن
کوسمگ اورگنن لای لای
..
..
..
غنچۀ تریم لای لای
آدی ازبریم لای لای
بیر ایچیم سویا حسرت
تشنه اصغریم لای لای
..
..
..
چشمی خون فشان لای لای
آغزی لخته قان لای لای
قانلی اوننگی سندن
ساخلارام نشان لای لای
..
..
..
بوش قالان قفس لای لای
منله هم نفس لای لای
اوخلانان بوغازوندان
ویر سسیمه سس لای لای
..
..
..
ناله سیز نِییم لای لای
ایندی نیلییم لای لای
قوی سالوم سنی بیرده
نَنّووه دییم لای لای
..
..
..
سبط احمدیم لای لای
عشق سرمدیم لای لای
کیم اوخی بوغازوندان
چکدی گورمدیم لای لای
..
..
..
#اصغریه #کریمی_مراغه_ای #اصغریه_شهادت #ترکی #زبدةالاشعار