هر چند گناهیله سزاوار بلایوخ #ورود_شام_راجی_تبریزی

توبه نامه
گریز به مصائب ورود اهل بیت علیهم السلام به شام
.
.
مرحوم راجی تبریزی
.
.
هر چند گناهیله سزاوارِ بلایوخ
لطف ایله خدا بیزلره محتاج عطایوخ
.
.
خوانِ کرموندن یتیشور عالمه قسمت
اقسام به اقسام آپارور خلق غنیمت
مخلوق گرک ایلیه شکرانۀ نعمت
کفرانین ایدوب ایمدی پشیمان خطایوخ
.
.
کسمه نظر مرحمت و رأفتی یزدان
اوز رحمویله دفع ایله بو خجلتی یزدان
آلسان خبر آداب عبودیّتی یزدان
مستغرق بحر عرق و شرم و حیایوخ
.
.
مدّتدی که بو مسئله ده بحث و جَدَل دور
قلب عُقلا جمله بو اشکاله مَحَل دور
آیا بو بلالر ثمر نخل عمل دور
یا اینکه دچار غضب و قهر خدایوخ
.
.
مرآت فیوضات اِلهیده که یوخ رنگ
قابل دَگل امّا که جواهر اولا هر سنگ
بو راه معیشت اوزومزدندی اولوب تنگ(1)
گر تزکیۀ قلب اولا هر فیضه سزایوخ
.
.
بیر لقمۀ نان کی اولی مین رنجیله حاصل
آسوده نجه صرف ایدر اول لقمه نی عاقل
هر شهریده کی آج یاتا ایتام و اَرامِل
راحت یاتار اونلار کی دیَر اهل ولایوخ
.
.
امداد ایله یارب سن اوزون بی مددوخ بیز
باشدان ایاقا بخل و ریا و حسدوخ بیز
هر قدر تصّور ایداخ اونداندا بدوخ بیز
امّا که عزادار شه کرب و بلا یوخ
.
.
یا رَبّ دخیلوخ بو قطع الودّ حسینه
پیغمبر و زهرا و علی و حسنینه
میلون بولوروخ چوخدی سنون چون بو حسینه
هر سالی سراسر اودو کی نوحه سرایوخ
.
.
دوشدی یادیما شیعه لر اطفال شهیدان
شام اهلی تصدّق گتوروردی رُطَب و نان
فرمایش ایدردی اولارا زینب نالان
شرم ایلیون ای قوم که بیز آل عبایوخ
.
.
تاپمیش بیزیله رِزق بو مخلوقه تعلّق
عالم بیزه بو باره ده ایللّه تملّق
بیز آل رسوله نه مناسبدی تصدّق
آزادۀ کونینوخ اگر چه اسرایوخ
.
.
بیزدن یتوشور فیض طیوریله وحوشه
عمداً بیزی غودن گتوروبسوز نیه جوشه
بو اشک بصر خون جگرده بیزه توشه
تسلیم قضا یوخ نه که محتاج عَطایوخ
.
.
بیماره نه جُور ایتمگه بیر بیله رضاسوز
واللهی اونون یُمن وجودیله بجاسوز
ای فرقۀ بی ننگ نه بی شرم و حیاسوز
بیز لایق قلّاده و زنجیر جفایوخ؟
.
.
ایسته دوز اولاخ بیز غمه آلوده جماعت
یتدوز هامی بو باره ده مقصوده جماعت
ویرانه ده ده قویماسوز آسوده جماعت
هر دم یاناخ اوز حالیمیزه شمع عزایوخ
.
.
نه وقته کیمی سلسلۀ غم بیزی سیخسون
بیز سلسله نین شعلۀ آهی گویه چیخسون
آخر بو یزیدین ایوین الله اوزی یخسون
یخدی او بیزیم ایومیزی ویرانه سَرایوخ
.
.
پای طلب جهدیوی چک دامن صبره
گوزیاشیویله توشه گوتور خانۀ قبره
تکیه ایلمه (راجی) نه تفویضه نه جبره
بابینده بیز معتقد خوف و رَجایوخ
.
(1) اصل شعر
بو راه معیشت اوزوموزدن اولوب تنگ
.
.
#پندیات #راجی_تبریزی #ورود_شام #ترکی #زبدةالاشعار