گل آنان ائتمه غم هجریله همخانه على #اکبریه_صافی_تبریزی

زبانحال مادر حضرت علی اکبر (ع) هنگام وداع
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
مرحوم صافی تبریزی
.
گل آنان ائتمه غم هجریله همخانه على
ایلمه لیلینی مجنون کیمی دیوانه على
.
سالما غم هجرانه على
ای جوان اوغول على
بیر دایان اوغول على
قربان اولوم گوز یاشوا
دور بیر دولانیم باشوا
بیر دایان اوغول على
.
.
خوش خیالون وار على باشدا شتابان گیدوسن
دعوت ایلوبله که بو شوقیله مهمان گیدوسن
باش جان الده دوتوب ئولماقا قربان گیدوسن
جان محقّردی فدا ، سن کیمی قربانه على
.
.
على جان رشته سیدور طرّۀ پر پیچ و خمون
ملک دل آلماقا آماده دی قدّ علمون
اولسا درویشه اگر بیر نگهیله کرمون
فخر ایده وار یری عالمده سلیمانه على
.
.
بولمرم من سنه بو گونده نه عالم یتشوب
شاد و خرسند سن هئچ کیمسه دیمز غم یتشوب
وعدۀ وصل نگاریله مگر دم یتشوب
دمیوی گرم ایلیوب جلوۂ جانانه علی
.
.
بولوسن خوش دگی بو لیلی مگر بیر سنیله
ایریلوق وقتی دی بیر کلمه دانیش بیر منیله
بلبلم طایر روحیم قونوشوب گلشنیله
یته آفت نِئدَرَم باغ و گلستانه على
.
.
وار نه حُستی بو عزیز عمرومه عالمده منیم
سن سیز آخر نه تاپار ذائقه شیرین دهنیم
الیوی قلبیمه قوی گور نجه تیترر بدنیم
یتشوب سینه مه جان لیلی گلوب جانه على
.
.
زحمتون ایل گجه لر چکماقیما یانماموشام
هر مشقّت یتشوب دلخوش اولوب سانماموشام
یانموشام لیک بو ساعت کیمی اودلانماموشام
که قویوب یوز گیده سن جانب میدانه علی
.
.
بَندم اوّل ده بولورسن علی شیرین سوزیوه
نقدر ایسترم البته عیان دور ئوزیوه
بیر دولاندور گوزیوی باخ منه قربان گوزیوه
بلکه بیر قوّت اولا بو دل سوزانه على
.
.
ای منیم عالم آرا منظر و منظوریم اوغول
موسی عصریوم ای جلوه گه طوریم اوغول
من وارام سنله نقدری اولا مقدوریم اوغول
گللم آخر گیده سن شوریله هر یانه على
.
.
اشگیمون سیلینی نه نوع یوزه باغلامیوم
داغ حسرتله نجه سینه می من داغلامیوم
نیلیوم بس داخی ممکن دگو قان آغلامیوم
گوز یاشیم عالمی خوشدور وئره طوفانه على
.
.
باخ سکینه باجوا گور نه قوجوبدور دیزینی
بوینوا سالما کفن ئولدورر ایمدی ئوزینی
من که سَهلم اونی بیر دیندیر اوغول آل سوزینی
قورخورام یوز قویا سرگشته بیابانه على
.
.
بیله بولمه على بیر منده بو حالت گورونور
توکولوب عورت اوشاق دیشره قیامت گورونور
آل طاهاده داخی سانما که طاقت گورونور
هامی بی صبر گلور ناله و افغانه على
.
.
ای مه برج ولا یوسف بازار وفا
خسرو مصر محبّت گُل گُلزار صفا
گور نه حسرتله تیکوب گوز سنه یعقوب بلا
اود وورور طرز نگه عالم امکائه على
.
.
« صافی » چوخداندی سالوب شوق زیارت باشنا
ممکن اولمور گوره قبرون بویانا گوز یاشنا
آند وئرّم سنی لیلایه که بو ایل باشنا
قبریوه ایسته گله وقفۀ قربانه على
.
.
#اکبریه_صافی_تبریزی
#اکبریه_شهادت
#گل_آنان_ائتمه_غم_هجریله_همخانه_على
#ترکی
.
✍️ #زبدةالاشعار ✍️
.
🆔: @nohe_torki