ورود آل الله بشام
.
✍️ #زبدةالاشعار ✍️
.
🆔: @nohe_torki
.
#سبک_ای_شاه_مظلومان_حسین … 5 سبک
مشابه
.
مرحوم عاصی تبریزی
.
یا فاطمه دور قبریدن گل شامده غوغایه باخ
قولّاری باغلی زینب و کلثومی گور لیلایه باخ
.
.
تقریرینه عاجزدی دل واردور نئجه بیر ازدحام
تزئین اولوبدور کوچه لر بازار باغلانموش تمام
بایرام دوتوب جشن ائیلوری شام اهلی یکسر خاص و عام
کسمیش تماشاچی یولی گل شورش عظمایه باخ
.
.
بیر سمتیده بازنده لر دورموش یول اوسته صف بصف
بیر یاندا سازنده دوروب الده نی و طنبور و دف
دگمیش جماعت بیربیره شهری دوتوب آواز کف
عریان دوه اوستونده بیر آل شه بطحایه باخ
.
.
دروازه ساعاتیده لنگه دوشوبدور قافله
آخر یزید دونیدن رخصت وروده یوخ هله
گونلر ایوینده زینبون محتاج اولوب بیر حایله
بی پرده محمل ایچره اول معصومۀ والایه باخ
.
.
خوردا اوشاقلار آج سوسوز یورقون پریشان دل غمین
نی تک سیزیلدور آغلاشور عرشه چخوب داد و انین
عریان دوه اوسته باخور بو حاله فخرالساجدین
دلدن یانور قانیاش توکور رخسار مه سیمایه باخ
.
.
.
آل اللهین شام ایلیوب شامون جفاسی گوندوزین
بولمور آنا حفظ ایلسون خوردا بالاسین یا اوزین
دوشسون بالاسی آز قالور ایستور آنا دوتسون یوزین
گل چار سوی شامده بو حال غم افزایه باخ
.
.
اوز محرمین بو حالیله گورجک او حالتده امام
گئتدی توان و طاقتی سلب اولدی قلبندن دوام
سویلوب ازل گوندن منی هئچ دوغمیبدی کاش آنام
گور اهل شامون ظلمونی صبر حق یکتایه باخ
.
.
ای کاش ائدیدی اهل کین بو جور و ظلمه اکتفا
ال چکمدی آزاریدن اما او قوم بی حیا
هر ظلم که الدن گلور ائتدی اوگون اهل جفا
اولادیوه یافاطمه اشرار ائدن ایذایه باخ
.
.
گه سنگ دل لر بامدن ایلور عیالون سنگسار
گاهی دیولّر ناسزا اول فرقۀ بی ننگ و عار
گاهی توکولر اودلی نی محمل لر اوسته اهل نار
آل امیه ظلمونی گور گردش دنیایه باخ
.
.
بیمار امامون قولّاری باغلی بویوندا سلسله
باشدا عمامه اود دوتوب آهی دونوبدور مشعله
خاموش ائدنمور آتش ظلمی، دوزور گلمور دله
گور ایش هارا منجر اولوب بیر جرئت اعدایه باخ
.
.
آلمیش اله مقتولینون باشنی قاتل نیزه ده
هر محله بیر قانلو باش اولموش مقابل نیزه ده
اولسون نظام تامله تا شهره داخل نیزه ده
محمل لر ایچره اوج ائدن فریاد واویلایه باخ
.
.
اولموش سبب بو انتظام آل آللهین گوز یاشینه
اوخشار یانار اوغلون آنا آغلار باجی قارداشینه
مشغول ائدوب اوغلون حسین جمعیتی اوز باشینه
خلقی تماشادن قویوب رأس شه بطحایه باخ
.
.
بیر نحویله قرآن اوخور هر بیر گورن حیران قالوب
شهر دمشقه ناطق قرآن سسی غوغا سالوب
نور خدای لم یزل نوری هامی گوزدن آلوب
نامحرمان شامده سن چشم نابینایه باخ
.
.
بزم عزاده عاصیا یان آغلا هر شام و سحر
گوز یاشلی قوی گورسون سنی زهرا ائدن وقته نظر
بیر درّیدور چوخ پربها گوزدن آخان بواشگ تر
بو درّه اصلی مشتری سن حضرت زهرایه باخ
.
.
#ورود_شام #عاصی_تبریزی
#یا_فاطمه_دور_قبریدن_گل_شامده_غوغایه_باخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید