زبدةالاشعار

اعدا توکولدی بیربیره دنیانی ویردیلار #فاطمیه_معزی_اردبیلی

در مصیبت حضرت زهرا (س)
.
✍️ زبدة الاشعار ✍️
.
🆔: @nohe_torki
.
مرحوم معزی اردبیلی
.
اعدا توکولدی بیربیره دنیانی ویردیلار
دارالامامه آتش سوزانی ویردیلار
.
دشمن لگد ویروب قاپیا باخ جسارته
لعنت او قومه مفخر نسوانی ویردیلار
.
امّ الکتاب سوره سینه حرمت اولمادی
دیوار و درده سورهٔ قرآنی ویردیلار
.
مسمار باتدی سینه سینه آستانه ده
مثل اینکه داغلی سینیه پیکانی ویردیلار
.
پهلولری سینوب ستم وظلم خصمیدن
زنگ عزایِ جنت الاعلانی ویردیلار
.
ضربتده سیندی گوهر اعلای فاطمه
بطنینده گور نه نوعیله قربانی ویردیلار
.
اللّه نجیبی نانجیبه ائتمسین دچار
ارذل صفتلر حامله انسانی ویردیلار
.
ناموس کبریا دوشنوب تپراق اوستونه
آئینهٔ دیانت و تقوانی ویردیلار
.
اَمَّن یُجیبی زینب اوخور صحن خانه ده
شخصاً گوروبدی زینت رضوانی ویردیلار
.
کوثر هرایه سسلمدی هَل اَتی سینی
گَل فضّه دادیمه دئدی زهرانی ویردیلار
.
عذر ایستورم جسارتیمه یابن العسکری
بیر دفعه ده شفیعهٔ عقبانی ویردیلار
.
گوردی علینی خصم آپارور بیعت آلماقا
فکر ائتدی بلکه بو شه مردانی ویردیلار
.
دامانینه ال آتدی دئدی قویمارام گئده
فوراً همای نعمت عظمانی ویردیلار
.
زهرانی قمچیه دولادی قنفذ دغا
پَر سیندی آشیانه ده عنقانی وردیلار
.
بازوی فاطمه اثر قمچی دن سینوب
گویا جناندا شاخهٔ طوبانی ویردیلار
.
سسلندی بیردن آی بابا گَل آز قالور ئولم
تاپشیردیقون عزیزهٔ بطحانی وردیلار
.
باش قوزا قبریدن دولانوم بیرده باشووه
ناحق منی قاپومدا بابام جانی ویردیلار
.
آئینه تک ویریلدی داش، اولدوم سینق سینق
هاردا ئورکده یاره مه درمانی ویردیلار
.
سینم قانی ترابه یازوب یا علی مدد
ئوز درگهینده همسر مولانی ویردیلار
.
اوّل شهیدیدی ائویمون سقط اولان بالام
سیرینده بو هلال غم افزانی ویردیلار
.
گَل باخ منیم قیامتیمه ایهاالرّسول
ناموس افتخار سلیمانی ویردیلار
.
مسجده فاطمه دانیشوبدور جماعته
حقدور کلامی لوحیه امضانی ویردیلار
.
.
زهرانی گتدی منزلینه ئوز کنیزلری
اطرافینه دوزولدی پریشان عزیزلری
.
.
سسلندی یا علی ئولورم قالدی دورت بالام
آل گوگلین هانسی ائتسه فراقیمده آه وزار
.
ختم رُسل دئیَن گونومی بیلمیشم بو گون
مندن بو قانلی کوینگیمی ساخلا یادگار
.
ئوپسون هاچان حسن یوزینی ئوپ دوداقلارین
آگاهسن همان عَمَلین آیری سرّی وار
.
جدّی کیمی ئوپنده حسینون بوغازین ئوپ
سال یاده یا علی منیده حلقین ئوپ دوبار
.
زینب گلین گئدنده یرون بوش دئنن منه
معناده قوی همان گون ایده روحیم افتخار
.
.
یا فاطمه «معزی» آدیم نوکرم سنه
وئر سهمیمی، وئروبدی کرم ذوالکرم سنه
.
.
#فاطمیه_شهادت
#اعدا_توکولدی_بیر_بیره_دنیانی_ویردیلار
#معزی_اردبیلی
#ترکی
.
✍️ #زبدةالاشعار✍️
.
🆔: @nohe_torki

این متن را هم بخوانید:  سس گلوبدی بو گئجه آللهیدن آی جبرئیل #حسینیه #سیدبشیرحسینی_میانجی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی