زبانحال حضرت موسی ابن جعفر (ع)
#گریز به #قتلگاه
.
✍️ #زبدةالاشعار ✍️
.
🆔: @nohe_torki
.
مرحوم #معزی_اردبیلی
.
الله الله تنگه گلدی محبسینده پیر عشق
حضرت موسی بن جعفر شخص بی تقصیر عشق
.
عبد صالحدور آچوبدور قبلیه سجّاده سین
هر نمازینده امامون قوزانور تکبیر عشق
.
عمق زندانین سؤال ائتسوز اگر قرخ پله دور
دم به دم افلاکه قالخور نالۀ شبگیر عشق
.
باغلانوب محکم مبارک گردنیندن سلسله
فرض ائدوب مولا آغور زنجیرینی زنجیر عشق
.
محبسینده ایلیوب کونده ایاقلارین یارا
دام صیّاد جفاکاره دوشوبدور شیر عشق
.
عالم معناده عُشّاقی یغوبدور باشینه
آیه تک زندانیده عاشق ایدور تفسیر عشق
.
گوشۀ زندانیده راز و نیازینده دیور
قلبیمه یارب ورولسون من رضایم تیر عشق
.
ظاهراً مظلومم اما غالبم ظالملره
اَمّیشم پستان مادردن اَمندَه شیر عشق
.
عاقبت بغدادیده هارونی نفرینیم دوتار
حاکم جبّاری قصرینده یخار شمشیر عشق
.
یاره لندی گردنیم یارب آغور زنجیردن
مونسیم زنداندا اولموش آیۀ تطهیر عشق
.
عشق پاکیمدن خُمارم کونده رنجین بیلمَرَم
عاشق اولماز عالم عشقینده ذرّه سیرعشق
.
سیلی ضربیندن یوزوم گوی یاپراقا بنذر منیم
تابعم ، تابع الهی هر ندور تقدیر عشق
.
سجده گاهیمده گوزوم چالدی قرانلوق سیلی دن
قلبیمی رام ائتدی اما شور عالمگیر عشق
.
من حسین تک امتحاندا شخص اَوَّل اولمارام
تابع عشق حسینم من، حسیندور میرِ عشق
.
داش وورولدی آلنینا قان دولدی زیبا گوزلره
بیر نگاهینده مِناده ایلدی تسخیر عشق
.
قلبینه اوچ شعبه اوخ دگدی بؤلؤندی اوچ یره
چکدی قلبیندن چخارتدی ویرمدی تغییر عشق
.
یاره لی قیلدی نمازین پایدار اولسون نماز
وردولار رکن الصَّلواتی ائتدیلر تکفیر عشق
.
ال گوتوردی پیشگاه پاکیوه میدانیده
عرض ائدوب : یارب بیلورسن منده یوخ تزویرعشق
.
وردیم امضا لوحیه زرعالمی ای لامکان
عشقوی ویردون اولده اولمادی تاخیر عشق
.
لوحۀ حکمت شروطین سربه سرچخدم باشا
آختارور گر هانسی عاشق منده دور اکسیر عشق
.
عشق بازارینده اولدون مشتری گوهرلره
الّی یدّی ایلده گوردوم دُرّ نابی زیر عشق
.
.
#کاظمیه_شهادت
#الله_الله_تنگه_گلدی_محبسینده_پیر_عشق
#معزی_اردبیلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید