زبدةالاشعار

بو گجه گوشه ویرانده مهماندی بابام #حضرت_رقیه #تقایی_اردبیلی

زبانحال حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
مرحوم تقائی اردبیلی
.
بو گجه گوشه ویرانده مهماندی بابام
منی یورقون گوروب ای عمه پریشاندی بابام
.
.
اونی مست ایلیوب البته کی صهبای ازل
قویمادی حبس اولا بو قلب پریشاندا اَمل
الیوب قولینه بو سیّد وارسته عمل
قول وئرمیشدی گلوبدور منه مهماندی بابام
.
.
قلبیمون مجمرینون،یاره سی آرتیردی کوزون
گوز وروم آندا قوناقیم منه آندیردی سوزون
آلاجاق جانیمی تک بیر باخشا آچسا گوزون
دئمیشم جان ندی،مین جان سنه قرباندی بابام
.
.
کاش بابام شیشه آرامیمی آز داشه چالا
کاش ویرانه ده مسکن ائلیوب منله قالا
کاش بیر یولدا رقیَّم دیه دردیم آزالا
عشق بیماری منم دردیمه درماندی بابام
.
.
بو که ظلمیله قویوب دشمن ظالم طبقه
یوزونون نوری تلاًلو ائلیور نه طبقه
قان دوتان چهره سی آئینه دی ربّ الفلقه
یعنی مرآت رخ حضرت مناندی بابام
.
.
ایلیوب قانیله گل صورتینی آی پاراسی
واردی آلنیندا دوداقینده یوزونده یاراسی
یومولان گوزلره قربان گوزومون آغ قاراسی
هله ده خالق سبحانه ثنا خواندی بابام
.
.
ائوی آباد اولا بیچاره لری یاده سالوب
دام محنتده کی افتاده لرون گوگلون آلوب
یاراسن باشدا گورندن ولی صبریم آزالوب
نه گناهیله بئله قانینه الواندی بابام
.
.
ئوزی آگهدی یانان سینه ده وار بیر دل صاف
اودی کی کعبه دل گلدی بیزه اولدی مطاف
ائدرم کعبه کیمی بو یارالی باشی طواف
دیَرم روح صفا،بیت حقه جاندی بابام
.
.
منی شرمنده ائدوب ایندی که جانان بو گجه
نیمه مرده بدنه لطف ائلیوب جان بو گجه
درد هجرانه ائدوب لطفیله درمان بو گجه
خوشدی جان بذل ائلسم چون ئوزی جاناندی بابام
.
.
باشیم اوسته باش آچوب آغلاما ای عمه منه
شبنم غم اثر ائتمز بو پوزقون چمنه
سن ئوزون قبریمی قاز،غسلیمی ور بوک کفنه
ولی قرآن اوخوسون ناطق قرآندی بابام
.
.
قبره قویدون ائله کی جیسمیمی ای کنز وفا
ئوپ گوگرمیش یوزومی بیرده ولی ائتمه نوا
راضی اولما قوناقون بیر بئله افسرده قالا
ائله بسدور بو قدر بی سر و ساماندی بابام
.
.
.
#سبک_یارالی_جان_یارالی و … 4 سبک
.
.
.
#حضرت_رقیه_شهادت
#بو_گجه_گوشه_ویرانده_مهماندی_بابام
#تقایی_اردبیلی
#ترکی
.
✍️ #زبدةالاشعار ✍️
.
?: @nohe_torki

این متن را هم بخوانید:  #ذکر_مصیبت_حضرت_رقیه 02 #متن_روضه

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی