زبدةالاشعار

حسینچیم شرافتی رقیه اورگدوب منه #حضرت_رقیه #آسال_اردبیلی

حالات حضرت رقیه (س)
.
✍️ زبدة الاشعار ✍️
.
?: @nohe_torki
.
کربلایی نوید آسال اردبیلی
.
حسینچیم شرافتی رقیه اورگدوب منه
حقیقت شهادتی رقیه اورگدوب منه
متانتی ، نجابتی رقیه اورگدوب منه
شرف یولوندا غیرتی رقیه اورگدوب منه
خدا بیلور رقیه دن ندای عشقی آلمیشام
دیینده هرزمان آدین صفای عشقی آلمیشام
.
.
شبیه خیرة النسا کرم نما رقیه دی
شهیدۀ نجیبۀ ره ولا رقیه دی
بلایه هر زمانیده دیین بلا رقیه دی
حسینچینون چتین گونی شعاری یا رقیه دی
حریم عشقه حرمتی رقیه اورگدوب منه
بو یولدا استقامتی رقیه اورگدوب منه
.
.
تخیل عالمینده من گیدنده راه معنوی
گوزوم ساتاشدی بیر چوله قاچوردی اوردا #منزوی
بگفتمش چرا چنین به روی خاک می دوی
بویوردی راه عشقیدن گل ایله سنده پیروی
کی غم کتابین آچماقی رقیه اورگدوب منه
تیکانلار اوسته قاچماقی رقیه اورگدوب منه
.
.
او حالدا گوردوم #انوری چالوردی لایلای اصغره
دیدیم آقا خیالیمی پوزوب بو غملی منظره
سنون کی دوشمیوب گوزون ایوونده غنچۀ تره
بیان ایله بو نوحه نی کیم اورگدوبدی #انوره
بویوردی سر عشقیمی گل ایندی فاش ایدوم سنه
او طفله نوحه یازماقی رقیه اورگدوب منه
.
.
رقیه قلب عاشقه طلیعۀ وصالیدور
مقدس آدی سینه ده گرانبها مدالیدور
عزیز حق تعالی دور نگار ذوالجلالیدور
نظیری گلمیوب بونون بو ماه بی مثالیدور
بو اوچ یاشیندا فاطمه حصار ظلمی سیندروب
شجاعتیله قلعۀ شرافته علم ویروب
.
.
صفای باغ مصطفی طراوت چمن دی بو
دبیر مکتب وفا وقار پنج تن دی بو
آناسی فاطمه کیمین غیور و بت شکن دی بو
تیکانلار اوسته وقریلن ایاق یالین گزن دی بو
کلاسی بی نظیری دی مقامی بی بدیلیدی
بونون غلام درگهی جناب جبرئیلیدی
.
.
بو شهر شوم شامی ده مسبب قیامیدور
حسین امیر نهضته سفیر خوش مرامیدور
قرا گیینمگی دیور بیر عده گر حرامیدور
وجودی قاره معجره بوکولمگی پیامیدور
دیور بو قاره عاشقه لوای اعتباریدور
بو قاره پیرهن بیزه نشان افتخاریدور
.
.
رقیه عاشقی بلی مطیع اول جناب اولار
سمای عصمت اولدوزی مرید آفتاب اولار
بو اوچ یاشیندا قیز کیمین نماد احتجاب اولار
رقیه عاشقی مگر جهاندا بی حجاب اولار
بو سوز حجابی رد ایدن جماعتین جوابیدی
خانملارین شرافتی یوزونده کی نقابیدی
.
.
باش اندیرر مقامینه بونون خضوئیلن فلک
مین افتخاریلن اوپر غبار مقدمین ملک
سرای قلب عاشقه اولوب مقدس آدی حک
قیامی پایداریدو ر اسر لواسی حشره جک
قسم حسینه قلبیدن بو عشق پاکی آتماروق
رقیه نون محبتین ایکی جهانه ساتماروق
.
.
بودور نجابت آیه سی بودور شرف رساله سی
بودور حیا و عصمت و فضیلتین مقاله سی
شفاعت اللرینده دی بودور جنان قباله سی
گلنده حشره حیدرون غزالۀ سه ساله سی
توکر عذاره گوزیاشین یقین قیامت ایلیر
حسینه آغلیانلاری اوگون شفاعت ایلیر
.
.
صفالی گلستانینون شمیم جانفزاسی وار
بودوزدی کی آتاسینون مزا ر دلرباسی وار
فدا اولوم بو دختره حسین کیمین آتاسی وار
ولی بونوندا شامیده بیر آیری کربلاسی وار
الهی قطع ایله اوزون درخت کینه خوللارین
مزارینون دوباره آچ بو جمعه باغلی یوللارین
.
.
ایکی جهانون اهلینی بو غرق حیرت ایله دی
مزار پاک و اطیبی دمشقی جنت ایله دی
ئولنده ده خرابه ده به پا قیامت ایله دی
کفن یرینه قاریه بو قیز قناعت ایله دی
رقیه دن بو دهریده گرک اطاعت ایلیم
قرانی باغلیانلارا بوگون وصیت ایلیم
.
.
ئولنده من ملالیمه دیمم کی آغلیون منیم
گیوب عزا لباسوزی عزامی ساخلیون منیم
قویاندا قبره قلبیمی بو غمله داغلیون منیم
سیزی رقیه نون جانی قرامی باغلیون منیم
گلنده قبریم اوستونه آقام بو مطلبی دیه
بو نوکریمدی باغلیوب قرا قیزیم رقییه
.
.
بو قاره سالدی یادیمه بیر آیری غملی منظره
خرابه ده چاتان زمان رقیه وصل دلبره
دیدی او غسل ایدن خانم کفن ویرون بو دختره
دوشوب بلایه عمه سی ال آتدی قاره معجره
بویوردی دهریده اگر کفن سیز اولسا هر آتا
گرگ دی قاره پوش اولوب گیده مزارینه بالا
.
.
بو قاره سالدی یادیمه بیر آیری غملی منظره
خرابه ده چاتان زمان رقیه وصل دلبره
دیدی او غسل ایدن خانم کفن ویرون بو دختره
دوشوب بلایه عمه سی ال آتدی قاره معجره
بویوردی دهریده اگر کفن سیز اولسا هر آتا
گرگ دی قاره پوش اولوب گیده مزارینه بالا
.
.
غرض قویوبدی عمه سی مزارینه رقیه نی
دیدی گلوم خزان ایدر غمون بو غملی گلشنی
اگر چی گلمیور الیم مزاره تاپشیرام سنی
سنی حسینیمون جانی قیزیم حلال ایله منی
بو دار بی وفا داشین قیامتنجک آت بالام
قویوب ربابی باغریقان خرابه یرده یات بالام
.
.
قالاندا راه شامیده بلایه طاقت ایله دون
قوشولماگا قطاریمه او چولده همت ایله دون
حسینیمه یتیشجگین نیه شکایت ایه دون
شکایت ایلین زمان منی خجالت ایله دون
خیالیم ، هر گجه منیم مرور ایدور همان شبی
قصوریمه من آگهم قیزیم باغیشلا زینبی
.
.
دیمم کی آچ قرا گوزون امام مستتابه باخ
ویا بو گللرون سولان یوزونده کی گلابه باخ
ویا کی زحمته دوشوب بو خانه سی خرابه باخ
فقط بودور سوزوم منیم گوزآلتی بیر ربابه باخ
بیر اوچ پر اوخ بلا گونی آلوب الیندن اصغرین
سنونده فرقتون اونون چوخالتی دلده غملرین
.
.
هزاره ولایته چمن تاپیلمادی بوگون
بیزیم غمه مشارکت ایدن تاپیلمادی بوگون
بو در عصمته ویرن ثمن تاپیلمادی بوکون
پیمبرون عزیزینه کفن تاپیلمادی بو گون
ئولونجک آغلارام سنون غمونده من گوزل بالام
حسین قراسین ایله دیم سنه کفن گوزل بالام
.
.
داغیلدی باغ معرفت پوزولدی نظم گلستان
قویور مزاره نوگلون اوز اللریله باغبان
بیله جهانه اف اولا دیور سماده قدسیان
آلوبدی ئولمگون منیم توانیمی رقیه جان
اگوبدی بیر غمون سنون درخت صبر،قدینی
آنام کیمین آپار بالام مزاره سیلی ردینی
.
.
سالوب بلایه باشیمی جهاندا غملرون سنون
گوگردی ضرب سیلی دن جمال انورون سنون
گیت ایندی گوزلیور سنی جناندااصغرون سنون
خوش حالووه یاخیشلانوب وصال اکبرون سنون
ئولونجه قلب زاریمی غمونده داغلارام قیزیم
گلنده آدون اشکیمی عذاره باغلارام قیزیم
.
.
اگر چی بعضی لر #نوید دیور سنه کی ای جوان
ندور بو های و هو ایله ملایمانه سوز بیان
ندور بو نابجا عمل ایدور بو خلقی ناگران
او سوزلری دیین لره بو مطلبی ایله بیان
دینن کی بو شجاعتی رقیه اورگدوب منه
بو شیوۀ قرائتی رقیه اورگدوب منه
.
.
#حضرت_رقیه_شهادت
#حسینچیم_شرافتی_رقیه_اورگدوب_منه
#آسال_اردبیلی
#ترکی
.
✍️ #زبدةالاشعار ✍️
.
?: @nohe_torki

این متن را هم بخوانید:  سرلشگرین گورنده شهنشاه نه قباب #عباسیه #سعدی_زمان

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی