زبانحال حضرت زینب سلام الله علیها در حال احتضار
.
✍️ زبدة الاشعار ✍️
.
🆔: @nohe_torki
.
مرحوم #معزی_اردبیلی
.
حسین حسین ئولورم اشکبارم آی قارداش
بلالی فاطمه‌دن یادگارم آی قارداش
.
.
حضوریوه سوزینی ایلین علن باجووام
ئورگینون باشینی تیر غم بولن باجووام
دمشقیده گوزی یولدا غریب ئولن باجووام
آدامسیزام وطنیمدن کنارم آی قارداش
.
.
محبّه کعبه‌دی قبرون طواف ایدن حاجیدی
بیر ئیلدی صبح و مساء زندگی منه آجیدی
الی اورکده قالان زینبون سنه باجیدی
غریق بحر غم روزگارم آی قارداش
.
.
جهان فانی اولوب اللی ئیل منیم قفسیم
دیار شامیده دوشمیش شماریه نفسیم
گوروم جمالیوی بیر یول ئولم بسیمدی بسیم
وصال آخریووه بیقرارم آی قارداش
.
.
منم گروه وفاداره عالی سرزمره
اَل آتمیشام باشووین اوسته خنجر شمره
وفاده فاطمه‌دن آلمیشام گوزل نمره
زنان هاشمیه افتخارم آی قارداش
.
.
گوزیووی قویمادیلار باغلیام چوخ آغلامیشام
او دینیمی باجی قربان یادیمدا ساخلامیشام
رقیّوون گوزینی من ئولنده باغلامیشام
گوزیمی باغلیاسان انتظارم آی قارداش
.
.
نشان منه گنه ویر صورت منوّریووی
اورگیمون باشنا قوی یارالی اللریووی
آنام دیمیشدی وداعونده ئوپدوم خنجرووی
او بوسه‌دن هله‌ده من خمارم آی قارداش
.
.
گلوب سولان یوزیمی قبلیه طرف دوندر
گل وصالووی اَک زینب ئولجگین دوندر
گلنمسونده ابالفضلی شامه تز گوندر
اونادا خواهر والا تبارم آی قارداش
.
.
همیشه بار محن قامتی بو کرمیش حسین
عزالیلار یوزینه گوزیاشین توکرمیش حسین
غریب ئولنده گوزون یوللار تیکرمیش حسین
وطندن آیری دوشن دلفکارم آی قارداش
.
.
گلوب ایکی قولیووی بوینوما گنه سال گیت
نچه دقیقه کناریمده منتظر صال گیت
امانتون یارالی قلبیم اوسته دور آل گیت
نه چونکی قبر ایوینه رهسپارم آی قارداش
.
.
وورولدی پارچالادی خیزران دوداقلارووی
ایدوب مشاهده پیر و جوان دوداقلارووی
بورودی طشتیده گوردوم‌کی قان دوداقلارووی
دیدیم الیمده واریمدور نه چارم آی قارداش
.
.
قسم بتوله اورکده حسین دگول یارام آز
دیدی رقیّون عزالی باشین آچوب داراماز
لباس تازه گییم خوش گزم منه یاراماز
دیردی اکبره گُل خوار و زارم آی قارداش
.
.
#زینبیه_شهادت
#حسین_حسین_ئولورم_اشکبارم_آی_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید