شهادت شربتی شهدِ شرافتدور منه زینب #هدایت_تبریزی

وداع امام حسین علیه السلام
.
✍️ زبدة الاشعار ✍️
?: @nohe_torki
.
هدایتی تبریزی
.
شهادت شربتی شهدِ
شرافتدور منه زینب
جدایه باشیمی ویرّم
باش اگمم دشمنه زینب

.
کلاس عشقده درس آلمشام شیر خدادن من
باجی ایثاری ئورگندیم آنام خیرالنسادن من
حمایت ایلیم لازمدی دین مصطفادن من
چکم دین کشتی سین بحر بلادن ایمنه زینب

.
حسینم واهمم یوخدی بلا دشتین دوتا دشمن
منه مامن خدادور ، اولماسین دشت بلا مامن
ایله ایلوم عمل دنیا بویی عالم دیسین احسن
اگر چه یوخ نیازیم مرحبایه احسنه زینب

.
اگر چه تشنه ام جسمیم دوشوب تاب و توانادن
ولی سو التماس ایتمم بو قوم پست ادنادن
خوشام لب تشنه جان ویرسم قوتارسام سجن دنیادن
سلیمان زمان اولموش اسیر اهریمنه زینب

.
بو عطشان لبلری شایقدی اهل آسمان ئوپسون
یاخندور داش یاراسندان آخوب خون روان ئوپسون
قزیل طستین ایچنده یا لبمدن خیزران ئوپسون
بالالاریم گوروب یانسین دل آچسین شیونه زینب

.
گوزوم باخدی علی اکبر کیمی روح و روان ئولدی
حسن صورت حسن سیرت بالام قاسم جوان ئولدی
عمود عباسمین باشین بولوب تاپشوردی جان ئولدی
توکولدی قلبمین قانی گورومدن دامنه زینب

.
داغ اوستن داغ چکلدی دلده محنت داشدی توپلاشدی
غم اوستن غم قالاندی قلبیمه دردیم آشوب داشدی
ئورکده واردی بیر دردیم تمام دردیمه باشدی
دولار زاغ و زغن مندن صورا بو گلشنه زینب

.
بو طفلان شکسته دل ، بو نسوان جوان مرده
خزان گورموش گلستان تک اولوبلار غمدن افسرده
مبادا تازیانیله بولار اولسون دل آزرده
بو قزلاری ، خانملاری امید اولدوم سنه زینب

.
منم نوح زمان دوشدوم خطرلی قانلی طوفانه
گورنده اکبری قطعه به قطعه ، دویموشام جانه
مقام صبرده دوزدوم قالوب لیلا یانا یانه
جوانی بند بند اولموش نجه دوزسون ننه زینب

.
گلستانیم خزان اولموش اولوبدور گللریم پرپر
ابوالفضلی یخان اوخلا بیچلدی حنجر اصغر
اولوب سیراب علی اصغر رباب اولدی قرا معجر
بالا داغی آغیردور هر بالا ئولموش زنه زینب

.
بو طاغی لشگرین یوخدور ئورکده رافت آثاری
دوزللر سینه مین اوسته مثال سنبل اوخلاری
سویاللار نعشیمی قویمازلا قالسین کوینگیم باری
حسین قانع اولوبدور کهنه بیر پیراهنه زینب

.
سنی آغلار قویوب گیتماق منه جان یاندیران غمدی
حسینه سندن آیرلماق چتندی آیری عالمدی
سنه همدمدی گوزیاشی منه اوخ نیزه همدمدی
آچار جسمیمده هر پیکان یرینده روزنه زینب

.
#سبک_علی_اصغر_مه_انور (بیش از 7 سبک)
.

#وداع
#شهادت_شربتی_شهد_شرافتدور_منه_زینب
#هدایت_تبریزی
#ترکی
.
✍️ #زبدةالاشعار ✍️

?: @nohe_torki