«یَا ذَ بیحاً مِنَ القفَا»
آغ کوینک لر رجزی …
.
✍️ زبدة الاشعار ✍️
?: @nohe_torki
.
محمد علی مصیبی تبریزی
.
شوریده سر باشیزدا جوش ایلینده قانلار
وور باشی پارچالانسون ای باش یاران جوانلار
.
یاده حسین باشین سال قالوا بلیٰ باشیندا
بیر باش کی سعی ِعشقه چاتدی صفا باشیندا
بیر باش کی سیر ائدوبدی شامه جدا باشیندا
گور تشت ایچینده نیلوب اول باشه خیزرانلار
.
ای آق کفن گیین ، ای اذکاری دینه بنیاد
ائت باشیوی هجوم شمشیر و تیغ پولاد
گر نیتین دوز اولسا بیر کیمسه ائتمز ایراد
بو عشقه فخر ائدللر عرشه قانات چالانلار
.
عباسی یادیوه سال وور باشی پارچالانسون
قوی چشمه چشمه قانین توپراقلارا جالانسون
تا قویماسین او قانلار دین خیمه سی تالانسون
سقایه استعانت ایله لّه باش یارانلار
.
ای قامت رسایه آغدان کفن گیینلر
باش سیز امامین آدین عشقیله سسلینلر
یَا لَیتنَا ئورکده کنّا مَعَک دیینلر
الده قلج اسنلر باشدان قلج وورانلار
.
باشین گلنده شوره وور اورتادان بولونسون
عشقون سنون عزیز ِ پیغمبره بیلونسون
باشدان خیال خام و فکر عبث سیلونسون
عشق اهلینه جهاندا وار بیله امتحانلار
.
واحسرتا او دمدن شمر الده باش دوروبدی
زینب او باشه خاطر باش محمله ووروبدی
یا زینبا دیوبدی کیمسه باشین یاریبدی
هر نه دییور دئسونلر زخم ِ زبان وورانلار
.
تاج جنون گر اولسا بیر باشه زیب و زیور
بیر ایله باشی یارسا باجادی تیغ و خنجر
ارزنده دور بهاسی سانما سینیق دی گوهر
کشتی دی اصل ِ مطلب گر سینسا بادبانلار
.
کربوبلا چولونده طوفان دوشوبدی یاران
ضرب ِ عموده سقا آتدان دوشوبدی یاران
باشی بولوندی جسمی شان شان دوشوبدی یاران
شقّ القمر سؤزین چوخ،آچمازلا سؤز یازانلار
.
#ورود_محرم
#عاشورا
#قمه_زنی
#شوریده_سر_باشیزدا_جوش_ایلینده_قانلار
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید