شیعه لر غدیر خمون گونلر ایچره یوخ نظیری #غدیریه_فکری_تبریزی #غدیریه_ذاکر_تبریزی

غدیریه
..
..
..
مرحوم ذاکر تبریزی و مرحوم فکری تبریزی
..
..
..
شیعه لر غدیر خمّون گونلر ایچره یوخ نظیری
چون اولوب بوگون کی گونده عالمون علی امیری
..
..
..
حجّة الوداع دن چون رجعت ایلدی پیمبر
اوچ مکاندا نازل اولدی جبرئیل او پیک داور
ذکر ایدوب رسول حقّه حق پیامینی مکرّر
عرض قیلدی البشارة ای جهانیان بشیری
..
..
..
حکم ایدوب خدای اکبر کامل ائت بنای دینی
خلق ایچینده آشکارا اؤز یرونده قوی علینی
نصب قیل خلافته بیز انتخاب ائدن ولینی
قورخما خلقیدن خدا دور اؤز حبیبنون نصیری
..
..
..
چون ائشیتدی بو پیامی حضرت رسول اکرم
امر حقّی خلقه ابلاغ ائتماقا اولوب مصمّم
امر ائدوب گیدن قایتدی هم گلن دایاندی توأم
موضع غدیر خمّه یغدی مردم کثیری
..
..
..
بیر نچه دَوَه جهازی قویدولار مثال منبر
اگلشوب او منبر اوسته سیّد جهان پیمبر
آچدی دیل ثنای حقّه خطبه باشلادی او سرور
دولدوروب فضای دشتی چون صدای دلپذیری
..
..
..
ال آتوب علی بئلیندن دوتدی صاحب رسالت
ایلدی بلند او قدری گوردی حاضرین او ساعت
سسلدی که بو علی دور سیزلره ولی جماعت
گوردولر گونون الینده عارض مه منیری
..
..
..
هر او کس بولور بو گون اؤز نفسینه منی مقدّم
فرض دور بوله علینی من کیمی ولی مسلّم
چون علی ولایتین حق سیزلره ایدوبدی الزم
کامل اولدی نعمت دین دینوزون بودور مدیری
..
..
..
تا یتوردی امر حقّی خلقه اول رسول رحمت
ویردیلر علی الینه دسته دسته دست بیعت
ائتدی اوّلیله ثانی بیعته بو گونده سبقت
داندیلار امان او گوندن روز اعظم غدیری
..
..
..
گیچموری غدیر خمّون بیر او قدر مدّتیندن
بو ایکی نفر علینون ال گوتوردی بیعتیندن
آچدیلار جفا الینی داد اولار اذیّتیندن
گوردولر او گون که صابر اول امیر بی نظیری
.
.
رحلت ایلین زماندا ختم انبیا جهاندان
تاپدیلار منافقین ال شیر حقّه اول زماندان
بیعت آلماقا علیدن شورش ایلیوب او آندان
قوردولار او گون سقیفه گور او فرقۀ شریری
..
..
..
باب ختم انبیایه اود ووروب او قوم گمراه
باغلانوب طناب ظلمه شیعه لر او گون یدالله
ظلم چرخی گور که اولدی شیر حق اسیر روباه
کیم گوروب جهاندا روبه ایلیه اسیر شیری
..
..
..
بیر قاپی که بی اجازه جبرئیل داخل اولموب
داخل اولدی اهل کینه اود ووراندا حایل اولموب
دوشدی فاطمه ایاقدان شرم قوم باطن اولموب
اولدی شیر ملک ایمان کفر محض دستگیری
..
..
..
«ذاکرا» علینون ایله بادۀ محبّتین نوش
«فکری» شرکت ائتدی یازدون بو کلامی اولما خاموش
جان وئرنده قبر ائوینده ایلمز سیزی فراموش
روز حشرده او شه دور جمله مجرمون مجیری
..
..
..
#غدیریه #فکری_تبریزی #ذاکر_تبریزی
#حیدریه
#شیعه_لر_غدیر_خمون_گونلر_ایچره_یوخ_نظیری
#ترکی
#زبدةالاشعار
.