راه شام
زبانحال حضرت سکینه
.
✍️ زبدة الاشعار ✍️
.
?: @nohe_torki
.
مرحوم یتیم تبریزی
.
علی شکنج زلفیوی جدایه پرچم ایتموسن
نظامی عالمی پوزوب جهانی برهم ایتموسن
من شکسته خاطری غمیله همدم ایتموسن
.
.
غمونده اوج ایدوب ز بس سمایه آه زار دل
نه دل بیان ایدر سوزین نه اَلده اختیار دل
بو گون جهانه اود سالوب عبث دگل شرار دل
گویون شرارین آرتیروب بو چشمی پر نم ایتموسن
.
.
دیسن سکینه ناله سی منی پوزوب اوساندوروب
ندن او ماه وش باشون عمومه گوز دولاندوروب
جهاندا لال اولوم دیسم باشوندا قطره قان دوروب
ولی او تار سنبله مثل شبنم ایتموسن
.
.
قونوبدی یولّارین توزی او گُل جمالون اوستونه
آخوبدی قطره قطره قان عذار آلون اوستونه
علاوه کاکلون دوشوب او خطّ و خالون اوستونه
او خطّ و خاله حیف اولا جداده مبهم ایتموسن
.
.
قطاریمیز قطاریلن گیدر ره دمشقه، باخ
بو بد نظامیلر بیزی سالوب نظام و مشقه باخ
رموز عشقه کاشفم، دیمم اسیر عشقه باخ
اوزون بو عشق دفترین منه مترجم ایتموسن
.
.
علی مآل کاریمیز عجب دایاندی مشکله
جدا باشیندا شامه دین سن ایله طیّ مرحله
دالونجا بو سکینه نی اسیر ایدوب او کاکله
پیاده پا سورونماقا بیله مصمّم ایتموسن
.
.
اسیر عشق اولان دیمز ندور طناب و سلسله
خیال وصل ایدن دوزر هجوم اشک سائله
وصاله قالمیوب مگر جدا بویونجا فاصله
عجبدی که وصالیلن فراقی توام ایتموسن
.
.
گورنده کوفه قیزلاری باشون دیر هلاله باخ
دیولّه تیز غروب ایدوب، هلاله باخ زواله باخ
نشان ویرولّه بیر بیره دیولّه خطّ و خاله باخ
نظرده خط حسنیوی ز بس منظّم ایتموسن
.
.
مگر قلج چکوب بو بیر اسیرون اوسته خم قاشون
ایدر اشاره قتلیمه جداده هر قدم قاشون
منی اسیر ایدن علی او گوزلروندی هم قاشون
عجب گوز اوسته قاشلارون هلال تک خم ایتموسن
.
.
صبا دگنده صبحدم او شقّه شقّه کاکله
چکر کناره رویدن، گهی سالور مقابله
گوگول علاقه باغلیوب او کاکلونده بیر تله
مگر بو رشته ی دلی او تِلده محکم ایتموسن
.
.
شکسته گوگلومین ایوین ایدوبله تارومارعلی
باشیمدا قاره معجریم اوزوم شتر سوارعلی
خراب اولیدی عالمی ندور بو روزگارعلی
بو روزگاریلن منه فراقی توأم ایتموسن
.
.
باخاندا گل کیمی باشون جداده محترم دوشوب
دالونجا کاروان غم چو آهوی حرم دوشوب
نه صیدسن که عالمه شکارون اوسته رم دوشوب
بو بینوا سکینه دن غزال تک رم ایتموسن
.
.
باخان دیر که حیف اولا سنون او گلعذاریوه
گورون بُلور باجون نجه دوزر بو انتظاریوه
اولِیدی کاش بیر نفر دییِیدی نیزه داریوه
روادی قارداشین باشین باجیله باهم ایتموسن
.
.
بو شعره سرسخن یازان کیم اولسا خوش زبانیمیش
«یتیم» روسیاه تک حسینه نوحه خوانیمیش
جهاندا سوز بُلن بُلر نه یاخشی بیر بیانیمیش
علی شکنج زلفیوی جدایه پرچم ایتموسن
.
.
.
#راه_شام
#علی_شکنج_زلفیوی_جدایه_پرچم_ایتموسن
#یتیم_تبریزی
#ترکی
.
✍️ #زبدةالاشعار✍️
.
?: @nohe_torki
نظر دهید