قونداق الونده گزمه او میدانی یاحسین #اصغریه_سیدحسن_معصومی

حالات حضرت علی اصغر (ع)
..
..
..
سیدحسن معصومی
..
..
..
قونداق الونده گزمه او میدانی یاحسین
آهسته قوی یره قوزی قربانی یاحسین
..
بند قماطین آچ ال ایاق چالسون اصغرون
قوی یر یوزونده چخسون اونون جانی یاحسین
..
غم چکمه اوخلانوب الون اوستونده صودامر
یاندیرما چوخ بو عالم امکانی یاحسین
..
سن نالیه گلنده آچور باشینی آنون
چون آغلادور او حوری و غلمانی یاحسین
..
وار گوزلیین سنون یولووی خُلد عدنیده
قویما چوخ انتظار اولا زهرانی یاحسین
..
سن تحفه یولادون بو آخان قانین اصغرین
تا حشر ساخلارام بو همان قانی یاحسین
..
محشرده انتقامینی آلّام بو قومیدن
قهریله سالّام آتشه اعدانی یاحسین
..
بیلموللر اهل کینه که قان صاحبی منم
ووردیله تشنه حُلقینه پیکانی یاحسین
..
سن مندن اوتری ماملکوندن ال اوزموسن
منده باغیشلارام سنه عصیانی یاحسین
..
عالم سنون، بهشت سنون، آخرت سنون
وئر اهل حشره، حشریده فرمانی یاحسین
..
وئر آغلیانلارا سن ئوزون قول جنّتی
من باغلارام سنیله بو پیمانی یاحسین
..
آز قالدی گوز یاشون سنون ای سؤیگولوم حسین
خاموش قیلسون آتش نیرانی یاحسین
..
بو خلقت جهان بیلوسن سیزدن اوتریدور
من نازل ایلدیم سیزه قرآنی یاحسین
..
«معصومی» صبح و شام تیکوبدور گوزون سنه
بیر دردی واردی سنده دی درمانی یاحسین
..
..
..
..
#اصغریه #سیدحسن_معصومی #اصغریه_شهادت #ترکی #زبدةالاشعار