زبانحال حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
عندلیب تبریزی
.
مندن صوراگلمه آه وزاره
اللهه توکل ایله عمه
سالسا سنی ئولماقیم فشاره
اللهه توکل ایله عمه
.
.
.
گل لطف ایله باشیم اوسته اگلش
قرآن اوخی جان ویرن زمان من
دوندر منی سمت کربلایه
اکبر آدینی دین زمان من
تاپشور بی بی شمر بیحیایه
آچسون قولومی ئولن زمان من
من نیلموشم او کین شعاره
اللهه توکل ایله عمه
.
.
.
بو قافله اسیر عشقی
چولقاردی خطر سن اولماسیدین
شاماتیده ظلمته حقیقت
تاپاردی ظفر سن اولماسیدین
من غارت دشت کربلاده
ئولموشدوم اگر سن اولماسیدین
چوخ دگدی سنه او چولده یاره
اللهه توکل ایله عمه
.
.
.
روحیم بدنیمدن آیرلاندا
غم ئوز ویرر آل بو ترابه
سن ناله چکنده وای رقیم
آغلار منه گوشه خرابه
قبریمده ده آغلارام بو درده
مندن صورا وای آنام ربابه
نیلر گوره سن او بختی قاره
اللهه توکل ایله عمه
.
.
.
گوردوم یوخودا گچن گون اصغر
جنتده باشیندا عشق تاجی
سیراب اولوب آب کوثریله
یوخ آب فراته احتیاجی
ئوپدوم دوداقین دیدیم که قارداش
بیر دفعه چاغور رقیه باجی
گولدی منه آغلادی دوباره
اللهه توکل ایله عمه
.
.
.
آلدیم قوجاقا ئوپم بوغازین
گوردوم که اورک نواسی واردی
دسمالیله باغلانوب بوغازی
بیر قلبی بولن نماسی واردی
دسمالی کنار ایدنده گوردوم
اوچ شعبه بیر اوخ یاراسی واردی
دیسگیندی اوطفل شیر خواره
اللهه توکل ایله عمه
.
.
.
حق وعده ویریب بهشتی عمه
هر مومن وفرد دستگیره
ویر غسلومی سن گجیله دفن ایت
توک قبریمون اوسته خاک تیره
غم چکمه کفن تاپانماسان سن
بوک نعشیمی کهنه بیر حصیره
گوندر منی محفل نگاره
اللهه توکل ایله عمه
.
.
.
هربیر قوشا رسمیدور چمنده
بیر لانه وآشیانه واردی
هم سوز وگداز عاشقانه
هم نغمه عاشقانه واردی
گورسن بی بی سیلی ضربه سیندن
صاق ئوزده منیم نشانه واردی
یا یوخ قولا قیمدا گوشواره
اللهه توکل ایله عمه
.
.
.
گلدی بابامون یارالی باشی
دوردوم ایله هولیلیه ایاقه
شمع تک اریدیم خجالتیمدن
باخدیقجا اویاره لی دوداقه
بیرکس یوخودی دییدی شمره
ویرمزلر کسیک باشی اوشاقه
دوشدوم اودی حال احتضاره
اللهه توکل ایله عمه
.
.
.
بوشامیده نچه یولداشیم وار
صبح اولسا گلولر دورو بردن
کیم آلسا خبر هانی رقیه
عرض ایله بو نصف شب سفردن
گلدی باباسی قوناق آپاردی
قورتاردی بالاسینی خطردن
چوخ دردیمه ایلمه اشاره
اللهه توکل ایله عمه
.
.
.
زهرای سه ساله سن خانم سن
یوزون خجل ایلوب آفتابی
منده ئوزی قاره (عندلیبم)
وار اوتلی اورکده پیچ وتابی
امواتیمه ایلدیم هدیه
بونوحه مین اولسا هر ثوابی
مندن صورا گلمه آه و زاره
اللهه توکل ایله عمه
.
.
#سبک_قارداش_یارالی_باشیم_قالوبدور
.
#حضرت_رقیه_شهادت
#مندن_صورا_گلمه_آه_و_زاره
#عندلیب_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید