زبدةالاشعار

من بابا عشقیده عمّه م کیمی غوغا ایلدیم #حضرت_رقیه #شمس_شاب_تبریزی

زبانحال حضرت رقیه (س)
.
✍️ زبدة الاشعار ✍️
.
🆔: @nohe_torki
.
سامان فردکامی #شمس_شاب_تبریزی
.
من بابا عشقیده عمّه م کیمی غوغا ایلدیم
هامی عشق اهلینی بو عشقیله شیدا ایلدیم
.
ایوی آباد اولا استاد محبّتدی باجون
مکتبینده اوتوروب مشق الفبا ایلدیم
.
الف قامتینی دال ایلدی کلک فراق
منده بو دالی اگوب نونی انشا ایلدیم
.
کلمۀ وصلیده کی لام غریبم ، یارالی
وصل تا گتیدی پوزوب لامی عجب لا ایلدیم
.
دوشدی سس یوسف یثرب گلوری بازاره
اوزومی امر تجارتده زلیخا ایلدیم
.
وار یوخوم بیر قوری جانیمدی بودا قربانون
نقد جان سود ویرر من اونی زیبا ایلدیم
.
آناوا اوخشاماقیمدان منه ارثیّه یتوب
آناوین مثلی هامی غمله مدارا ایلدیم
.
ئولرم ، قبریم اولار گوشۀ ویرانه، هامی
بوله جاق شامه بقیع ملکنی اهدا ایلدیم
.
سینم اوسته او قدر تپراقین اوستونده یاتیب
عاقبت سینمی چون سینۀ سینا ایلدیم
.
نطقه گل تا بوله علم اهلی یازا تاریخه
منده ویرانه ده اعجاز مسیحا ایلدیم
.
چوخ سوروشدوم سنی ، عمّه م دئدی صبر ایله قیزیم
چشمۀ صبری اودور اشکیله دریا ایلدیم
.
عاقبت هاتف غیبی منه اورگتدی که من
آغلیام ، آغلامادا حلّ معمّا ایلدیم
.
سن کلیساده یاتان شب اورگیم اسدی بابا
منده اسراری یانان سینه ده اخفا ایلدیم
.
صورا بولدوم داریان وقتیده راهب تلیوی
اورگیم تیتروری اسراری هویدا ایلدیم
.
اوچ یول اعجاز گوروندی یارالی رأسونده
هر اوچونده هامی کفر اهلینه معنا ایلدیم
.
بیری شقّ القمر اولموش ، بیری والشّمس ضحی
بیری واللّیلیدی اول زلفیوه ایما ایلدیم
.
خم گیسوی علی اکبره باخدیم بیر یول
خطّ ثلث دلی تبدیل چلیپا ایلدیم
.
فکر ایدردیم سنه اکبردی ملازم افسوس
بولمدیم عفو ایله اندیشۀ بیجا ایلدیم
.
کوفه ده زین العبا عمّمه بیر راز دئدی
دولت عشقیله تئز کشف قضایا ایلدیم
.
بولدوم اکبر ایاقون آتدا چاتوبدور شرفه
او سبب دن هوس سرّ هویدا ایلدیم
.
کیم دییر ناقه ده معراجه گیده بولمز اسیر
ناقه ده معجزهٔ لیلهٔ الاسرا ایلدیم
.
باشون آی ، نیزه فرازینده کی باشلار اولدوز
من نبی ، ناقه براق ، ارضی ثریّا ایلدیم
.
مجلس شرب هارا؟ بیز هارا؟ نه فلسفه دی
بیر بو منطقله فلاسفلری رسوا ایلدیم
.
افق طشتیده گون چیخدی پوزولدی ظلمات
منده اولدوز کیمی بو سیره تماشا ایلدیم
.
یانماسام اوتدا دیمزلر منه پروانه ، اودور –
شمع عشق اوسته پر آچدیم دیمه پروا ایلدیم
.
ایله یاندیم نه کولوم قالدی نه بیرجه اثریم
جانی تقدیم ایدوب اوز عهدیمه ایفا ایلدیم
.
قاف غمدور بو خرابه یازیلوب روز ازل
اوزومی بیله بلا قافینه عنقا ایلدیم
.
.
#حضرت_رقیه_شهادت
#من_بابا_عشقیمده_عمه_م_کیمی_غوغا_ایلدیم
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  دور ایله چاره یا اخا اماندی خیمه لر یانار #غارت_خیام #هندی_تبریزی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی