زبدةالاشعار

ندی سرّی بو گئجه نی کیمی گلوسن نوایه رقیّه جان #حضرت_رقیه #عاصی_تبریزی

زبانحال حضرت زینب (س) خطاب به رقیّه خاتون (س)
.
✍️ #زبدةالاشعار ✍️
.
🆔: @nohe_torki
.
#سبک_بالام_آغلاما_گلوم_آغلاما … 7 سبک … دولانور علی قزی مقتلی … سن آت ا.سته پای پیاده من … باجی دور گیداخ …
.
.
مرحوم عاصی تبریزی
.
ندی سرّی بو گئجه نی کیمی
گلوسن نوایه رقیّه جان
توکوسن عقیق سرشگوی
رخ کهربایه رقیّه جان
.
.
سارالان جمالیوه من فدا
بئله گلمه ناله و شیونه
اوره گیم باشی دوتور اود یانور
ائیلین زماندا نظر سنه
بو نه اضطرابدی سنده وار
نیه دردیوی دئموسن منه
دل شبده هانسی مُحن سنی
گتوروب نوایه رقیّه جان
.
.
دئ گوروم نولوب سنه بو گئجه
بئله یانه یانه سیزیلدیسان
یوزه سیل اشگیوی دمبدم
ائدسین روانه سیزیلدیسان
دوروسان ایاقه دورانموسان
گلیسن فغانه سیزیلدیسان
نیه داد و ناله و شیوه نون
اوجالوب سمایه رقیّه جان
.
.
بئله قویما بوینووی چگینوه
یوزه اشگ آلیوی باغلاما
دمِ آتشینیله وورما اود
بو یانقلی سینمی داغلاما
بئله ائتمه ناله حزین حزین
بالام آغلاما قیزیم آغلاما
ندی دردون ائیله گیلن بیان
منِ بینوایه رقیّه جان
.
.
بولورم بیر عمر طویلدور
غم و رنجله اولوب الفتون
بوکولوبدی بار ملالیله
بو صغیر سنّله قامتون
آلوب اختیارون اسیریلیق
آزالوب تحمل و طاقتون
غم غصّه صبر و قراریوی
ووروب انتهایه رقیّه جان
.
.
گورورم که گلشنی عمریوین
پوزولوب بهاری خزان اولوب
گورورم که صرصر ظلموله
گل عارضون سارالوب سولوب
نه ائدیم الیمده نه چاره وار
اوره گیم مصیبتله دولوب
ائیله پر اثردی بو حالتون
بو غم آشنایه رقیّه جان
.
.
دئمه عمّه سن نیه آغلوسان
منی آغلادور مُحَنون سنون
غمووی حکایت ائدور قیزیم
منه پاره پیرهنون سنون
ائلیوبدی قمچی زجر دون
گُل یاس او گُل بدنون سنون
گتورن بو غصّه دی عمّه وی
بئله آه و وایه رقیّه جان
.
.
بولورم بو نکته نی من قزیم
هامودان ملالی زیاده سن
ولی وئرمه خرمن صبریوی
بو فغان و دادیله باده سن
ائله باخما کهنه لباسیوه
بئله گلمه شیون و داده سن
گرک اهل حق یقین دوزه
غم و ابتلایه رقیّه جان
.
.
دئ گوروم قزیم ندور علّتی
بو گئجه واروندی چوخ اضطراب
ائدیسن نظاره اوشاقلارا
توکوسن عذاریوه اشگ ناب
بئله یانه یانه سیزیلداما
اوره گیم باشین ائلمه کباب
اوره گون ملالینی قیل بیان
بو گونی قرایه رقیّه جان
.
.
بو رقیّه خاطرینه خدا
اوزون «عاصیه» ائله بیر نظر
بولوسن بیر عمریدی درد و غم
ائیلیوب او بی کسی خون جگر
غم الیندن اولسا فراغتی
بئله سوز یازار که ائدر اثر
ندی سرّی بو گئجه نی کیمی
گلوسن نوایه رقیّه جان
.
.
.
.
#حضرت_رقیه #عاصی_تبریزی
#حضرت_رقیه_شهادت
#ندی_سری_بو_گئجه_نی_کیمی_گلوسن_نوایه_رقیه_جان
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  چنان شادم، چنان شادم، من امشب #مهدیه #سیدبشیرحسینی_میانجی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی