کوفه ده بو گون وئردیله خبر کام دل پیمبردن آلموشوق #کوفه_حسین_ساکت

کوفه
.
.
حسین ساکت خسروشاهی
.
.
((کوفه ده بو گون وئردیله خبر
کام دل پیمبردن آلموشوق
کربلاده بدر انتقامینی
خاندان حیدردن آلموشوق))
.
.
جنگ بدر و خیبر عداوتین
حیدرین مکرر عداوتین
دلدہ کی پیمبر عداوتین
بو جداده کی سردن آلموشوق
.
.
قاتموشوق قانا گوزده گوز یاشین
ایتموشوق نگون یار و یولداشین
کسماقا سو اوسته سوسوز باشین
حکم قتلی داوردن آلموشوق
.
.
باش نه باش گورون آفتابیدی
قان شفق یوزونده حجابیدی
گون بیزیمدی گردون مجابیدی
آفتابی خاوردن آلموشوق
.
.
گلمیوبدی آسان اله بو باش
ایتموشوق بو باش اوسته چوخ تلاش
وورموشوق باشنا داش اوسته داش
تا باشینی پیکردن آلموشوق
.
.
تا که هر گورن مرحبا دیه
تخت و بخت آل أمیّیه
مرتضا توکن قانلارا دییه
جسم ناز اکبردن آلموشوق
.
.
شام امیرینن اقتداری وار
کاخ و قصری وار اعتباری وار
عیش و نوشدن روزگاری وار
بیزده دم او سروردن آلموشوق
.
.
پول وئرون که اهل عزا گلور
فاطمه قزی غم فزا گلور
شهره حالتیندن صفا گلور
گوز یاشی بو مضطردن آلموشوق
.
.
ناگهان گوروب خلق باتدی سس
گرم خطبه دی بیر علی نفس
سویلوری نه دور سیزده بو هوس
خوش گونی ستمگردن آلموشوق
.
.
آغلیون که عیشوز عزا گرک
ایتدیقوز ستمدن حیا گرک
درد نکبتوز بی دوا گرک
هر دوانی سیزلردن آلموشوق
.
.
ای هاموسی اسلامیدن بری
دین ایوین یخوب اولموسیز جری
بیز حقیقت شرع انوری
دودمان اطهردن آلموشوق
.
.
گرچه یول گلوب زار و خسته یوخ
قلبیمیز یانوب دل شکسته یوخ
ریسمان اسلامه بسته یوخ
دم خدای اکبردن آلموشوق
.
.
لطف ایدوب بیزه حق امامتی
هم امامتی هم شهامتی
قورخماروق که مشق شهادتی
آلتی آیلیق اصغردن آلموشوق
.
.
«خازنه» وئرن گنج حکمتی
ساکته وئروب کلک قدرتی
باخ که فن شعر و کتابتی
مکتب پیمبردن آلموشوق
.
.
#کوفه #حسین_ساکت #ترکی #زبدةالاشعار