زبدةالاشعار

گلمه بو قدر نالیه پیوسته رقیه #حضرت_رقیه #هوشی_تبریزی

زبانحال حضرت زینب (س) با حضرت رقیه (س) در خرابه شام
.
✍️ زبدة الاشعار ✍️
.
🆔: @nohe_torki
.
#سبک_ای_باد_صبا_کرببلایه_گذر_ایله … 7 سبک
.
مرحوم غلامعلی باقری الهامی ( هوشی تبریزی)
.
گلمه بو قدر نالیه پیوسته رقیه
دور دردیوی سویله منه آهسته رقیه
.
.
گوزیاشیوی گوزدن بوقدر توکمه عذاره
وُرما دل سوزانیمه آهونله شراره
صبر ایله بابان فرقتنه ای گونی قاره
چوخ اولما بابان وصلنه دلبسته رقیه
.
.
اوز حالیوه بیله یانوب افسرده دل اولما
باران سرشگیله بولود تک بالادولما
یاده سالوب اوزگلشنوی گل کیمی سولما
ای باغ حسینه گل نو رسته رقیه
.
.
تپر اقلارا قویما یوزیوی تپراقا باتما
حسرت گوزیوین یاشینی دل قاننه قاتما
سن شه قیزیسان دورقوری یرده بیله یاتما
گل باشیوی قوی بیرجه دیزیم اوسته رقیه
.
.
پابست ملال اولما قیزیم آغلاما بیرآن
توکمه یوزه گوزیاشیوی عمن سنه قربان
چک چرخ جفا جو ستمین ایلمه افغان
ای میوۀ باغ مُحنه هسته رقیه
.
.
آزیان شرر درد وغمه آز منی یاندور
آز ناله و افغا نیوی افلاکه دایاندور
دلده ندی دردون بالادورعمه وه آندور
چوخ آغلاما ایتمه منی دلخسته رقیه
.
.
بنزتمه گوزون یاشینی چوخ بارش ابره
ورما شرر آهیله اود خانۀ صبره
نیسگللریوی ساخلا آپارسینه ده قبره
ای بار مصیبتدن اولان خسته رقیه
.
.
هیچ فصل بهارین بولودی سنکیمی دولماز
هیچ غنچه قیزیم سن کیمی آفاقیده سولماز
هیچ بلبل غم سن کیمی شور یده سراولماز
توکمزیوزه گوزیاشینی پیوسته رقیه
.
.
اظهار وفا ایله قیزیم رسم وفاده
صبر ایله دایان دوزگله هردرد وبلاده
گلمه قوری نی تک بوقدرناله وداده
هر چند سنه ناله دی شایسته رقیه
.
.
آز سینّله هر محنته بو یرده باتارسان
حسرتله گوزوندن هامی آفاقی آتارسان
غم چکمه بابان وصلینه آخرده چاتارسان
تار غمه اولما بیله پا بسته رقیه
.
.
ای آدی عزا خانه لره زیور و زینت
وی قبری ویرن خطه شاماته شرافت
قویما دل(هوشی) ده اولونجه قالا حسرت
بو جمعیله اوز قبریوه بیرایسته رقیه
.
.
#حضرت_رقیه_شهادت
#گلمه_بو_قدر_نالیه_پیوسته_رقیه
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  بر دل عشاق صفا آمده #رضویه #آذرین_خلخال

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی