زبدةالاشعار

یار ازلی ایلدی یاری گئجه یاری #حضرت_رقیه #شبگیر_تبریزی

گئجه یاری
زبانحال حضرت رقیه (س) با پدر
.
.
✍️ #زبدةالاشعار ✍️
.
🆔: @nohe_torki
.
شبگیر تبریزی
.
یار ازلی ایلدی یاری گئجه یاری
یاریم یتوروب یارینه یاری گئجه یاری
.
طوبی بو گئجه حالیمه یار اولدی نگاریم
بختیم منیلن ایلدی یاری گئجه یاری
.
خمّاریله مخمور گئنه اوز اوزه قویدی
سیندیردی لبی رنج خماری گئجه یاری
.
عرض ایلدی ای ساقی صهبای محبّت
قالموب قیزوین صبر و قراری گئجه یاری
.
عمّم او گئجه دوتدی سنه شام غریبان
یغدی باشینا خرد و کباری گئجه یاری
.
زهرا آنامیز گلدی او دم بزم عزایه
آغلاتدی منی ، زینب زاری گئجه یاری
.
منده او چوخور یرده تاپام فیض زیارت
دیداریوه گلدیم گئجه یاری گئجه یاری
.
گؤردوم بابا مقتلده کی هر یاره وین عطری
شرمنده ائدیر مشک تتاری گئجه یاری
.
بولدوم گله جاخ آلعبا گلشن عشقه
یاغدیردیم او دم ابر بهاری گئجه یاری
.
اول محفلیمی دست قضا بیربیره ویردی
گؤز یاشیم اولوب محفله جاری گئجه یاری
.
بیر خار جفا الده دوتوب خار مغیلان
گؤردوم گلوری محفله ساری گوجه یاری
.
بیر ال او زمان گؤزلریمی ایلدی مستور
تا بلکه گولون ، گؤرمییه خاری گئجه یاری
.
شاماته طرف کوچ وئرنده اسرانی
شمر ائتدی بیزه نصف نهاری گئجه یاری
.
قالدوخ باباجان کوفه ده زندان جفاده
لطف ائتدی بیزه حضرت باری گئجه یاری
.
بو شهره گلنده باباجان یؤلدا یخیلدیم
یورقونلاری واضح هوش آپاری گئجه یاری
.
ناگاه گلوبدور او چوله جدّۀ سادات
آغوشه آلوبدور بو نزاری گئجه یاری
.
کونلوم باباجان اکبریله ، اصغری ایستور
امر ایله اولاردا گله باری گئجه یاری
.
سویله عَمُوم عبّاسه قوجاقه منی آلسین
پُر نور ایلسین منزل تاری گئجه یاری
.
سویلوب عَمُووین دوشدی بالا، قوللاری تندن
آغوشه آلانماز سن زاری گئجه یاری
.
جان یتدی دوداقینه باخوب سمت ربابه
آهسته یوموب چشم خماری گئجه یاری
.
شبگیر اگر آختاروسان فیض حضوری
ایله باباما تعزیه داری گئجه یاری
.
.
#حضرت_رقیه_شهادت
#یار_ازلی_ایلدی_یاری_گئجه_یاری
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی