در بدرقۀ راهیان و زائران کربلا
..
..
..
..
سعید تیموری مراغه ای (سائل)
..
..
..
..
یولّانور بیر کاروان کرب و بلایه یا حسین
آچموسان باب کرم اهل ولایه یاحسین
..
یوخ سؤزوم منده لیاقت یوخدی زوّارون اولام
التجائیله گوتورّم ال سمایه یاحسین
..
بیلمورم نه سرّ وار تا کربلا آدی گلور
سینه ده نی تک گلور گویلوم نوایه یاحسین
..
وادی اهل وفادور سرزمین کربلا
بارگاهون فخر ائدور عرش خدایه یاحسین
..
عشقیوی بو سینه ده کلّ جهانه وئرمرم
ساتمارام بو گنجی من ارزان بهایه یاحسین
..
قیل نظر اوت دوتموشام عشقونده بیمار اولموشام
لطف ائله یاز نسخه مى دارالشفایه یاحسین
..
آلدی صدقیله گلن بیگانه ده حاجاتینی
گور نه لر اعطا ائدرسن آشنایه یاحسین
..
نوکرین آدین فقط اربابین آدی قوزیار
سال منیمده باشیمه لطفونله سایه یاحسین
..
وئر اجازه تا دیوم مولا غلامم من سنه
گویلومی شاد ایله بیرجه بو عطایه یاحسین
..
ایلیوللر آرزو حسرتله شرکت ائتماقا
ساکنان نه فلک بزم عزایه یاحسین
..
دوتموشام دامانیوی مینلر امیدیله آقا
سائلم یوز قویموشام باب سخایه یاحسین
..
..
..
یولانور بیر کاروان کرب و بلایه یا حسین #کربلا_سعید_تیموری
نظر دهید