#قتلگاه
.
✍️ زبدة الاشعار ✍️
.
🆔: @nohe_torki
.
جعفر عباس نژاد (ظریف)
.
آخر اوخون که سالدی کمان اوسته حرمله
فکر ایلورم که دوشدی سماواته ولوله
.
قاره یل اسدی ایلدی اعلان بولوط لارا
رام اولما فرق عالمه گرد عزا اله
.
باخدی او غملی صحنیه گویلر قان آغلادی
دوشدی فشاره تیتردی یر گلدی زلزله
.
چیرپیندی سینه لرده ئورکلر خیامده
زار اولدی بانوان عفیفه ، مجلله
.
میداندا اشقیادن آلیب اضطراب تاب
گیزلندی سینه لرده نفس یاتدی هلهله
.
احوال دهری حرمله امّا گورنمدی
باغلیدی چونکه چشم بصیرت او ارزله
.
درک ائتمدی دیولّه حسینی یوروب یارا
ای بیحیا تلسمه بیر آز بلکه دینجله
.
گوردی و یا که گوردوگون البته اول دنی
ئوز مقصدینده ائتمدی افسوس حوصله
.
ووردی دیزین یره وئره تا کینه سین نشان
دوتدی نشانه مهر و وفا مخزنین دله
.
قد کمانی چکدی او دیو ایلدی کمان
یارب نه قلبی یاندی نه لرزش دوشوب اله
.
عفو ایله پرده سیزدی سوزوم یابن العسکری
آخدی ئورک کورکدن آقام دوشدی مقتله
.
وارحقی زینبین چیخا ال باشدا خیمه دن
گوز یاشی یوزده مقتله آسیمه سر گله
.
یولاردا نچه یول یخیلوب دوردی بیلمیرم
فکریم منیم حوادث مقتلده دور هله
.
.
.
مولا دوشوب چوخور یره اعضاسی قان وئریر
هرکس گلیر باش آلماقا الدن توان وئریر
.
.
.
هردم قدم قویور اورا بیر نابکار کس
سسلیر باشیم جهانه وئرر اعتبار کس
.
فوراً بو غملی روحی قوتار بند جسمدن
سیمرغ قاف عافیتم تنگدور قفس
.
زهرا آنام گلیبدی منیم پیشوازیمه
مشتاقیم یوباتما کسیرسن بیر آز تلس
.
چیخسوندا سینم اوستونه حاشا ائدم گله
اما ئورک مطالبه سین ائتمه پیش و پس
.
دلواپسم یتور باشیمی بیر اوجا یره
اوردان باخیم و یا یتوروم خیمه گاهه سس
.
بو چولده پاسبان سیز آدامسیزدی قیزلاریم
آتلار دوشونده چوخ ووراجاقلار نفس نفس
.
امداه سسلینده باجیم سس وئریم اونا
مندن صورا علی قیزینا کیمدی دادرس
.
حیرتدیم نه نوعی خدایا ائدیم رقم
بیلمم او شوم شمردی یا زاده ی انس
.
سبط رسول سینه سینه چیخدی چکمه لی
گوردی بیر ایش که شیعه لره جان گزادی بس
.
سسلیر او شخصی ئولدورورم که نمونه دی
یارب بشر اولار نقدر پست و بوالهوس
.
ئولدوردیلر حسینی زر ومنصب آلماقا
اول سیم و زر او مکنت و منصب نه اولدی پس
.
بیر شیر مرد شیعه قیام ائتدی جانلارین
یاندیردی انتقام اودونا همچو خار و خس
.
غم داشی ظرف صبروی سیندیرمامیش #ظریف
مختار تک دلاوره یاز جان فدا و بس
.
.
#حسینیه_شهادت
#آخر_اوخون_که_سالدی_کمان_اوسته_حرمله
#ترکی
.
✍️ #زبدةالاشعار ✍️
.
🆔: @nohe_torki
نظر دهید