آز عمر ایدن جوان ئولن گجیله گیتمه آی ننه #فاطمیه_نادربابایی

شهادت حضرت زهرا (س)
سوال و جواب
..
..
..
#سبک_دل_شب_ایلیوب_سفر … (4 سبک سینه و زنجیر)
سبکهای مشابه دیگر (با اضافه کردن واگیر) #سبک_الهی_دفن_ایدیم_نجه … #سبک_الهی_غملی_کوفه_نون … #سبک_تا_مشکتو_تو_آب_زدی … #سبک_حسین_دوشوبدی_مقتله …
..
..
..
حاج نادر بابایی
..
..
..
..
زبانحال حضرت زینب(س)
..
..
..
..
آزعمر ائدن جوان ئولن ، گجیله گئتمه آی ننه
نَه تِز گینموسن کفن ، گجیله گئتمه آی ننه
..
..
..
..
گورَنده هَر کبوترین سینوب قَنادی آغلارام
اذان سَسینده جَدّیمون گلنده آدی آغلارام
بوائوده سَنسیزآی ننه گونوم قرادی آغلارام
سولوبدی گلشن وچمن گجیله گئتمه آی ننه
..
..
..
..
یتیم اوشاقلارون ننه نجه بوائوده ساخلاشار
باخانداگُل جنازووَه حسن حسین قوجاقلاشار
قوجاقلاشار ایکی بالون ائواهلی باهم آغلاشار
دیَرحسین دیَرحسن گجیله گئتمه آی ننه
..
..
..
..
جوانلیقوندا قبره سن سفربساطی باغلادون
بوگئتمگونله آی ننه یارالی قلبی داغلادون
کچَن گجه بو زُلفیمه ووراندا شانه آغلادون
اولوبدی یولداشیم مِحن گجیله گئتمه آی ننه
..
..
..
..
اوجادان آغلاسام اولار بو آیریلیق جهانه فاش
اَلیمی قوینوماقویوب سیزیلدارام یاواش یاواش
نَنم گنَه بوزُلفیمه وریدی شانه بیرده کاش
شکسته قلبی ائت وطن گجیله گئتمه آی ننه
..
..
..
..
کچَن زمانه بو ائوَه دوباره یوخ گمان گَله
پیمبره قوناق گئدن گئدور ولی هاچان گله
آماندی گئتمه قورخورام قاپونی یاندیران گله
گلر او عامل فِتَن ، گجیله گئتمه آی ننه
..
..
..
..
:::: جواب مادر در عالم خیال
..
..
..
..
بَلالی زینب آغلاما ، گجیله من گرک گئدم
اوگوزلره نَنون فدا ، گجیله من گرک گئدم
..
..
..
..
گئدورجوان ئولن نَنون گجه مزاره آغلاما
سن آغلوسان حسین ائدورسنه نظاره آغلاما
قیزیل گُلوم دولومسینار دوشَرفشاره آغلاما
منی گَل ایندی سال یولاگجیله من گرک گئدم
..
..
..
..
حسینیمون جمالینه نَه تِز قونوب غبار غم
گمانیم اولمازیدی هِچ عزیزیمی بِله گورَم
اَجلدن اولمادی اَمان یووام عَمامه سین سَرم
آنالیق حَقّین ائت اَدا گجیله من گرک گئدم
..
..
..
..
آتون علینی قویما چوخ اِحاطه ایلیه مِحن
ویا حسینیم آغلیا ، فراقیدن سولا حسن
داریخما زینبیم اگر یاسیما اولماسا گَلن
ئوزون دیرسن اوخشاماگجیله من گرک گئدم
..
..
..
..
گوزیندن آتدی زینبی دئمَه جوان ئولن نَنم
قوناقم ایندی جَدّووَه گوزتلیور گرک گئدم
زمانه قویمادی قزیم آچام هوروکلَرون هورَم
وئرنمَدیم خیر دعا ، گجیله من گرک گئدم
..
..
..
..
یول اوسته بو سوزی بالاسفارش ایلورم سنه
گرک ائویمده آی بالا بیری یریمده گورسَنه
داریخما سیزلَری یقین کچیندیرَر ئوگی ننه
قضایه اول قزیم رضاگجیله من گرک گئدم
..
..
..
..
#فاطمیه #نادربابایی #فاطمیه_شهادت #ترکی #زبدةالاشعار