آز قالور خراب اولا بو دمده غصه دن حصار صبریم #مناجات_غمکش

مناجات
.
#زبدةالاشعار
.
: @nohe_torki
.
مرحوم غمکش
.
آز قالور خراب اولا بو دمده غصه دن حصار صبریم
تنگ اولوبدی روزگاریم تاب اولوب قرار صبریم
.
تتریور وجودیم ایله اضطراب آلوبدی قلبیم
رحم ایله ئوزون یر آلسین ایندی شاهکار صبریم
.
نبض دل ویرور نه چاره سست اولوبدی رگده قانیم
ناله و نوادن آغلار عضو داغدار صبریم
.
روز و شب ملال و محنت تار ایدبدی روزگاریم
اولدی مین بلایه آخر گور نجه دچار صبریم
.
اود دوشوبدی جسم زاره توسدی آسمانه گیتدی
طاقتیم الیمدن آلدی شعله شرار صبریم
.
دوشموشم کناره یولدان بیر یولی نشان ویرن یوخ
موقع سفر تاپوب بیر دشت شوره زار صبریم
.
شوره زاری کوهساری سیر ایدوب قوتاردی عمریم
فکر ایدوبدی غرق اولاندم همدم اختیار صبریم
.
پیر مجلسین کلامین دیلده ایله سن مجسم
کوی بزم عشقه دوشسون واقعاً گذار صبریم
.
گوز یوموب فنا جهاندان ترک ایده جلال و جاهی
باغلادی سفر بقایه رخت آشکار صبریم
.
صاحب الزمان چاغرام اوج ایدنده بار محنت
گلشنه جهاندا بنذور بیرده لاله زار صبریم
.
یوخ امیدیم آیری کسدن اوّلیمدی آخریمدی
گرچه خواره توش اولوبدی هر گیجه دیار صبریم
.
نو شکفته گل سارالدی باد جوریدن چمنده
نیلیوم دونوب خزانه فصل نو بهار صبریم
.
بی جهت دگل کلام سر سپرده گان عالم
عاقبت ثمر ویرر خوش شربت گوار صبریم
.
صبر تلخیدور اولده پر بهادی هر خبرده
لذتین گورر عملده یعنی انتظار صبریم
.
صبریله ظفر حقیقت آشنادی با متانت
صابران هر بلادن آلسون افتخار صبریم
.
صبر اولوبدی چوخ وجوده تاج عزت و شرافت
ایستورم عنایت ائتسین هر زمان نگار صبریم
.
رحمتون محیط عالم رحم ایله خدای رحمان
هر قضا و هر قدرده اولماسین فشار صبریم
.
سینه‌لر اولار منوّر نور حقیلن دمادم
کسب ایده او نوری ذره روح باوقار صبریم
.
نور حقیلن سراسر جلوه گر اولاندا عالم
اَبر تک یاغار او ساعت اشک و نوبهار صبریم
.
آند ویروق اُول کمال صاحب عظیم خلقه
رهروان دینِ حقدن اولماسین کنار صبریم
.
توسنین عنانین اما قورخورام آلا الیمدن
تا اولام اسیر دست دشمن آشکار صبریم
.
صبریم اولماسا گرفتار هر بلایه واقع اولام
گورمه سن روا الیمدن گیتسون اختیار صبریم
.
مرده دور اودل که مهرو بی محبت حَق اولسون
مهریله محبتیله فاش اولار مزار صبریم
.
آستان پاک مولا روحیمون پناهگاهی
گل آچار بو نیتیله تپراق مزار صبریم
.
غُصه و ملال قالماز محشره یقین واریمدی
آغلیار حسینه دائم چشم اشگبار صبریم
.
بیر حسینچیم جهاندا واردی حتماً اعتباریم
دردیمه دگر مسلّم بیر گون اعتبار صبریم
.
ای گلن عزایه قورخما مرتضی دوتار الوندن
باشه گر چاتا نه خوشدی باری انتظار صبریم
.
گوشه قفسده بلبل صحنه خزاندا چون گل
آختارار صبا نسیمین شوق گلعذار صبریم
.
صابر اوُل بلایه «غمکش» فکروی ایتورمه بیرآن
قوی قالا جهاندا باری بلکه یادگار صبریم
.
.
#مناجات_غمکش
#آز_قالور_خراب_اولا_بو_دمده_غصه_دن_حصار_صبریم
#ترکی #زمزمه_های_محرم_غمکش
.
#زبدةالاشعار
.
: @nohe_torki