آسمانلار طَبق طبق زینب #زینبیه_محمد_وهابزاده

شمّه ای در تعاریف حضرت زینب الکبری سلام الله علیها
.
✍️ زبدة الاشعار ✍️
.
🆔: @nohe_torki
.
محمد وهابزاده (عیار اردبیلی)
.
آسمانلار طَبق طبق زینب
کهکشانلار شَفق شفق زینب
.
دفتر بیکران خلقتده
هر کراندا وَرق ورق زینب
.
ذاتِ هر عنصر و مُرَکّبده
جمع اولوب یازدی متفق زینب
.
ذهنووه اولما بی جهت مشکوک
ائتمه شک کیمدی حرفِ حق زینب
.
روحِ ایثار و جانِ عشق و شعور
بعد از این و سَبق سبق زینب
.
آسمانِ وجاهته خورشید
لیله القدریده فَلق زینب
.
اگر عیسی دیریلدوب اَمواتی
ائتدی عیسانی مُرتَزق زینب
.
گرچه موسی اولوب کلیم الله
وئردی موسایه ده نَسق زینب
.
دوندی آتش اگر گلستانه
چون خلیله وئروب رَمَق زینب
.
نوح طوفانیده ایتیردی ئوزین
ناجیِ بحرِ ما خلق زینب
.
.
معنیِ صبریده گوزل مفهوم
رَد ائدن عشقی مغز اولار مسموم
.
.
آیت اللهِ عشق و غیرتدی
ذرّه ذره وجودی جرأتدی
.
ذوب اولوب بوندا روح حرّیت
رأس جود و یَد فضیلتدی
.
چوخ یازیبلار شهامتین امّا
پیکرِ بی بدیل عزتدی
.
شاهراه خطرده سدّ قوی
وارثِ نهضت امامتدی
.
دوزدی شیری چکلّه زنجیره
ظاهراً گرچه بو اسارتدی
.
لشکر شرّه روبرو دوردی
فاتحِ سر به دارِ غارتدی
.
کربلا قالمازیدی اَذهاندا
علتی تکجه زینبیّتدی
.
جنتی گورمه سون ملول اولما
زینبه باخ تمام جنتدی
.
کوفه ده انقلاب ائدن کیمدی
عشقیلن باش یاریب بو سُنتدی
.
زینبین عاشقیله ، فرهادی
کیم قیاس ایلسه کِراهتدی
.
بو شعاری یازون کتیبه لره
پرچمی نصبِ طاقِ نُصرتدی
.
کیم مُقلّد اولا کیمه سوز یوخ
بو خانم اصلِ مَرجعیّتدی
..
#زینبیه_مدح
#آسمانلار_طبق_طبق_زینب
#محمد_وهابزاده
#ترکی
.
✍️ #زبدةالاشعار ✍️
.
🆔: @nohe_torki