اربعین
.
✍️ زبدة الاشعار ✍️
.
🆔: @nohe_torki
.
هدایتی تبریزی
.
دور ای سوسوز سو کنارینده جان وئرن یارالی
جهانه افضل ایثاری اورگدن یارالی
.
ائدن فدا اوزونو اهل بیتین اسلامه
جهادی حق جهادی ادا ایدن یارالی
.
بلالی باشنه بیر گونده مین بلا توکولن
رضای حقّه گوره مین غمه دوزن یارالی
.
باشین جدایه وئریب اگمین ستمگره باش
ادای حقّه گوره هر ندن گئچن یارالی
.
اورک یاراسی اورک لرده نقش اولوب قالالی
ملال و محنتی چوخ غصه لی اولن یارالی
.
چخیب وطن دن اولان دربدر بیاباندا
بلالی دشتی ائدن مسکن و وطن یارالی
.
بلالی باشی جدا اوسته ال به ال دولانان
سنان باشین اوزونه منبر ایلین یارالی
.
مقام و شانی اوجا مقتلی چوخور یئرده
دماء سجده گهی یوز گوزه سوزن یارالی
.
ملال امّتیله غملنن یانان اورگی
اولونجه درد و غم امّتی چکن یارالی
.
قانیله تیشه وران ریشهء ستمکاره
عدالتین عطشی ، العطش دئین یارالی
.
سعادتین یولون هموار ائدن محبّانه
اوزی صلابتیله مقتله گئدن یارالی
.
سفر گزارشنی بیر به بیر بیان ائدیرم
ورولدو عترته سندن سورا رسن یارالی
.
قیامت عالمی گلدی بیزه ظهوره اخا
بو قانلی مقتلین ایچره دوشنده سن یارالی
.
سن اولمه مش بیزه ال آچدی فرقهء اشرار
توکولدو غارته بیر دسته اهرمن یارالی
.
نه تسلیت دئین اولدی نه اولدی بیر کمکیم
خیامه دولدو ستم پیشه باش کسن یارالی
.
دوگولدو اهل حرم اود ورولدو یاندی خیم
پوزولدو خیمه ده کی غملی انجمن یارالی
.
داغلدی چول لره عورت اوشاق صغیر و کبیر
خبر دوتانمادی هئچ کیمسه کیمسه دن یارالی
.
سنان دییب یخلان آت ایاقی آلتدا قالان
خلاص اولانمادی بیر کیمسه فتنه دن یارالی
.
نوایه گلدی نوادن فلات و دشت و دمن
ترحّم ایله مه دی فرقهء فتن یارالی
.
گهی خیامه گهی مقتله قاچاردی باجین
بروزه گلدی قیامت منه علن یارالی
.
گورنده سیّد سجّادمی یانار اوددا
اوزومو وردوم اودا یانه یانه من یارالی
.
اتک لرین اودی سوندی اورک لر اودلاندی
قارشدی بیر بیرینه گوز یاشی توکن یارالی
.
قوتاردی ظلمت گوندوز شب ظلام اولدو
خموش اولوب هره بیر یئرده خسته تن یارالی
.
ربابین آغلاماقی اود وراردی قلبمیزه
دئین ده وای یارالی تشنه سود امن یارالی
.
گچینجه شام غریبان ایل اولدو ساعتمیز
دوتولدو گوش فلک آه و ناله دن یارالی
.
خزان اسلدی گولوم پرپر اولدو سولدو چمن
هزاره شیون ائدیب یاندی نوحه دن یارالی
.
چکلدی سلسلیه اهل بیت پیغمبر
ورولدو ناقۀ عریانه مینمین یادالی
.
مسیری سالدی عدو قتلگاه آراسندان
توکولدو تپراقا قلبی دیزی اسن یارالی
.
النده قمچی قراول لر هر نه ایله دیلر
دیانمادی نه گلین قز نه شیرزن یارالی
.
.
#اربعین
#دور_ای_سوسوز_سو_کنارینده_جان_وئرن_یارالی
#هدایت_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید