آغلا گوزوم بو محنت عظماده هر آن #فاطمیه_حامد_تبریزی

شام غریبان حضرت زهرا (س)
.
زبدة الاشعار
.
: @nohe_torki
.
مرحوم علی اکبر حامدی تبریزی
.
آغلا گوزوم بو محنت عظماده هر آن
دوتموش بتوله مرتضی شام غریبان
.
.
ایمدی یغوب باشه علی آل بتولی
دلدن سالوب زهرا غمی اول دل ملولی
گاهی بتولی سسلیور گاهی رسولی
سویلور قزین گلدی سنه بو گونده مهمان
.
.
سن اُول امانت که منه ایتدون سپرده
ردّ ایلدیم یتدی سنه اُول غم کشیده
بیر صورتی نیلی اولوب قولّاری بیرده
وار بیرده صدمه نچّه اعضاسینده باخ یان
.
.
چون صبره امر ایتدون منی رحلت زمانی
قویدی در و دیوار آرا زهرانی ثانی
مسمار ایدنده سینه سین زخم آخدی قانی
گوردوقجا یاندیم حالتیم اولدی پریشان
.
.
گاهی دیردی درد دل قبر رسوله
دلدن یاناردی گه یتیمانِ بتوله
همناله اولموشدی اوشاقلار اُول ملوله
سویلردیلر ایوای آنا هر لحظه هرآن
.
.
گاهی یاناردی مجتبایه میر بطحا
سویلردی ای جان و دلیم آنان بس هاردا
قویدی نجه آغلار سنی اول دخت طاها
تا واردی عمریم آغلارام دنیاده آلقان
.
.
تأثیر ایدوب بو غم او شاه نشأتینه
گاهی دوتاردی یوز او شه اوغلی حسینه
سویلردی چوخ گلمه عزیزیم شور و شینه
آغلار گوزه اولسون علینون جانی قربان
.
.
گه زینب و کلثومه ایلردی نظاره
جاری ایدردی متّصل اشکین عذاره
آغلاردی دلدن بو غمه بو گیر و داره
زینب دینده وای آنا کلثوم آنا جان
.
.
گاهی بتولین عالمین یاده سالاردی
هر لحظه ده بیر اوزگه احواله قالاردی
زهرانین آجلیق محنتی صبرین آلاردی
قویدون منی یاخشی دیردی بیله گریان
.
.
زهرا دیردی قورخورام سندن صورا من
چوخ عمر ایدم چوخ ایلیم فریاد و شیون
سن ئولمدون آخر سنی ئولدوردی دشمن
قالدی عم اوغلون تا جهان وار زار و نالان
.
.
«حامد» گیچیرتدون عمریوی دور جهاندا
گوردون گیچنلرده نه گون قالسین قالاندا
جهد ایله یازدور آدیوی بو آستاندا
بیر ایت حساب ائتسون سنی خلّاق سبحان
.
.
.
.
#سبک اصلی
#سبک_ای_درد_بی_درمانلارا
.
#سبک های مشابه
#سبک_یا_فاطمه_من_عقده_دل_وا_نکردم
واگیر برای این سبک :
مظلومه زهرا (4)
.
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر برای این سبک :
ای یادگار مصطفی
آرام قلب مرتضی
مظلومه زهرا (2)
.
.
#فاطمیه_شهادت
#آغلا_گوزوم_بو_محنت_عظماده_هر_آن
#حامد_تبریزی
#ترکی
.
#زبدةالاشعار
.
: @nohe_torki