آغلیون شیعه سراسر بو گجه #شام_غریبان_دلسوز_تبریزی

شام غریبان
..
..
مرحوم دلسوز تبریزی
..
..
آغلیون شیعه سراسر بوگجه
آغلاشور جمله ملک لر بوگجه
..
..
بو گجه گویلره قاره چکیلوب
بو گجه قامت حیدر بوکولوب
زینبون باشینه غملر توکولوب
اولونوب قلبی مکدّر بو گجه
..
..
چخوب عرشه بو گجه آه و فغان
قاریشوب بیر بیرینه پیر و جوان
نجه راحت یاتور ای اهل جهان
شیعۀ حیدر صفدر بو گجه
..
..
شیر حق صاحب شمشیر دو سر
کشیکون قزلارینون اوردا چکر
اهل بیتین شهدانین گوره گر
یانار احوالینه کافر بو گجه
..
..
بیر طرف قانه باتوبدور شهدا
بیر طرفده ملشور آل عبا
نه دیوم بس دیه سن کرب و بلا
اولوب اول عرصۀ محشر بو گجه
..
..
بو عزا عالمی بیتاب ایلدی
دیدۀ شیعه نی بیخواب ایلدی
اوخیله حرمله سیراب ایلدی
یاخشی راحت یاتوب اصغر بو گجه
..
..
ایده هر کیمسه بصیرتله نظر
یا قیلا کرب و بلا ایچره گذر
آشکارا او بیاباندا گورر
بلشوب قانینه اکبر بو گجه
..
..
بو گجه شرم ایلموب شمر شریر
ایلیوب زینب وکلثومی اسیر
بس نولوب غیرت عبّاس دلیر
هانی سقای دلاور بو گجه
..
..
بی پرستاردی اولاد رسول
تالانوب خیمه لری زار و ملول
قالوب اول عترت زهرای بتول
جمله بی چادر و معجر بوگجه
..
..
شیعه لر شام غریبانه گلوب
شوریله جمله سی افغانه گلوب
اوغلى ئولموش شه مردانه گلوب
ویره باش ساقلیقی یکسر بو گجه
..
..
ساخلا دلسوز بو ماتمده عزا
آغلا بو تعزیه ده صبح و مسا
ویری محشرده عوض شیر خدا
اولسا هر کیمسه مکدّر بو گجه
..
..
..
#شام_غریبان #دلسوز_تبریزی #ترکی #زبدةالاشعار