طفلان حضرت زینب ( س )
..
..
مُقَنِّی ممقانی
..
..
اوجاتما بو ایکی طفلین گویه افغانلارین قارداش
گلوبلر دینه قربان ایتماقا ئوز جانلارین قارداش
..
..
حسینیم لاعلاجم نیلیوم یوخدور منه امکان
جهاده ویرمیوب نسوانه رخصت خالق سبحان
ایدیدیم منده شوقیله یولوندا جانیمی قربان
قبول ایت باری سن گل ایمدی بو قربانلارین قارداش
..
..
بو چولده چوخ آنا اوغلون ایدوب قربانی داور
سریه آغلوری لیلا توکور رخساره اشک تر
مرخص ایله ایتسونلر بولاردا ترک جان و سر
چکوم الله یولوندا محنت هجران لارین قارداش
..
..
رضا اولما آنان زهرا یانندا خوار اولا زینب
آنالاریله باهم شوریله دوشسون یولا زینب
بوغملو چولده باغلانسون حَرَملَه قول قولا زینب
ویره باشه ازلده باغلانان پیمان لارین قارداش
..
..
ئوزوم گر چه بو گون محروم اولدوم بو شهادتدن
ولیکن شوریله بیر امتحان ویرّم شهامتدن
جهانی حیرته ساللام بو اظهار ارادتدن
که احسن آفرین ایتسون هامی عنوان لارین قارداش
..
..
اجازه ویر بولاردا قان، گوزل قانلاره قاتسونلار
منای عشقده قربان اولوب مقصوده چاتسونلار
یولوندا لاله تک باشدان ایاقه قانه باتسونلار
نشان ویرسونله بوگون قوّۀ ایمان لارین قارداش
..
..
بولاردا جذبۀ عشقون یاراتموش آیری بیر قدرت
سووللر دست ساقیّ اجلدن ایچماقا شربت
سوسوز قربان اسلامه ویرر الله گوزل قیمت
یوباندیرما جهاده صادر ایت فرمانلارین قارداش
..
..
سنه الده بولار تحفه گتورموش جانیله بیر باش
دولانوب یالواروللار هى توکوللر دیده دن قانیاش
شکسته دللرین سندیرما ای شاه ملک فرّاش
قبول ایله بولارین تحفۀ ارزان لارین قارداش
..
..
گمان ایتمم بولار آخر گوتورسون دامنوندن ال
بولارین درسینی تعلیم ایدوبدور مرشد اوّل
اولوبدور دللرینده اود توکن آه اودلی بیر مشعل
جهانی یاندیرار ردّ ایتسن استیذانلارین قارداش
..
..
منی محشر گونی زهرا یانندا خوار و زار ایتمه
بولاری بو سعادتده ئوز اوغلوندان کنار ایتمه
حسینیم بوندان آرتوخ گوزلرینی اشکبار ایتمه
تَعَشَّق آتشی اودلور دل سوزان لارین قارداش
..
..
دینده هر زمان هل من معین سن ای شه خوبان
گیدور تاب و توان الدن اولور صبر دلیم تالان
اویاندا سسلنور هل من مبارز فرقۀ عدوان
گوزون چوخ یولدا قویما فرقۀ عدوانلارین قارداش
..
..
بو گون لب تشنه جان ویردی هامی اعوان و انصارون
سو اوسته تشنه لب دوغراندیلار هامّی وفادارون
نجه گورسون داخی قالموب داخی یار و هوادارون
بولاره باغلاما باری ره میدانلارین قارداش
..
..
بویاندا باش آچوب لیلا توکر رخسارینه قانیاش
اویاندا اوخشوری کلثوم اولوبدور وردی وای قارداش
خموش اولسون نجه قلبیمده کی بو آه آتش پاش
سُوور قلبیم توکه دین اوسته اعدا قانلارین قارداش
..
..
«مقنی» سعی ایدر ایتسون ئولونجه سیزلره خدمت
ولی سانسیز گناهندن ایدر شام و سحر وحشت
اونون جرمی خصوصینده حسین جان قوى منه منّت
ئوزون الله دن ایسته سیله عصیانلارین قارداش
..
..
..
#طفلان_زینب #مقنی_ممقانی #ترکی #زبدةالاشعار
نظر دهید