«عاشق کیست»
راز و نیاز امام حسین (ع) در روز عاشورا
.
✍️ #زبدةالاشعار ✍️
.
🆔: @nohe_torki
.
مرحوم حاج مختار نخستین اردبیلی
.
اولماز عشقون عاشق پرشور بیجا تشنه سی
عشق آدین بیلجک اولوب فرزند زهرا تشنه سی
.
.
عشق ئوزی بیر کلمه دور تشکیل تاپوب اوچ حرفیدن
عین و شین و قافیدور خارجدی نحو و صرفیدن
گاه اولور بو عشق ظاهر بیر عتیقه ظرفیدن
بو سبب اولمیش بیر عدّه جام صهبا تشنه سی
.
.
هیأت تکوینیده عشق اول إئتدی انقلاب
مات و مبهوت اولدى خاک و آتش و بادیله آب
کون و امکان قلبینه شوریله سالدى اضطراب
عشقون اولدی شوقیلن فرزند طاها تشنه سی
.
.
عالم عُلویده عشقون ذکر اولوب برنامه سی
خوف جان وار گوئیا پر شور دور هنگامه سی
وصلی آز هجرانی چوخدی قاندى زرّین جامه سی
سس یتوب بیر بیله عشقون کیمدور آیا تشنه سی
.
.
یادگار مرتضی فرمانده عشّاق حق
قطب عالم مالک یَومُ الجَزا رَبُّ الفَلَق
دیدۂ بینائیلن گؤردی تَرَکتُ کُلِّ خَلق
شوق و ذوقیله اولوبدور فی هَواکا تشنه سی
.
.
وئردی عشقه روز عاشورا حسین بیر امتحان
عقل حیران قالدی ، وهم آواره، سرگردان گمان
طور موساسی ید بیضائیلن إئتدی فغان
موسی کرب و بلانون اولدی موسی تشنه سی
.
.
عاشقم ای قوم بیدین عشقیمه شورا نه دور
طالبم هر گون مین عاشورایه عاشورا نه دور
حافظ قرآن حسینم، شورش و بلوا نه دور
عاشقان حقدی دائم شور و بلوا تشنه سی
.
.
عقل حیراندى گؤرورسوز عشقیمون ایفاسینه
عشقیمی اثبات قیلّام کربلا صحراسینه
درس عشقی وئرمیشم من اکبرون لیلاسینه
اولمیا اکبر کیمی سرو دل آرا تشنه سی
.
.
عشق درسین إئتمیشم تدریس ئوز انصاریمه
عالی نمره وئرمیشم عبّاس گول رخساریمه
باش و جانین شوقیلن بذل ایلیه دلداریمه
قانلو پیکرلن اولا یارون سراپا تشنه سی
.
.
هر باخان حیرتده قالسون قامت رعناسینه
طاق ابرو خال هندو دیدۀ شهلاسینه
غبطه إئتسون یوسف کنعان رخ زیباسینه
مین ذلیخالر اولار بو روی مهسا تشنه سی
.
.
باوفا قارداشیم اولمیش حافظ قرآن و دین
وئردی نهرون اوستونه نصر من الله پرچمین
اُوجونی دولدوردی چوخ عطشانیدی اول مَه جبین
ایچمه دی نهرون سویون سو اولدی سقّا تشنه سی
.
.
ای خدای ذوالمنن ای حیّ رحمان تشنه ام
یتمز هرگز عهد و پیمانیمه نقصان تشنه ام
درد بی درمان عشقه یوخدی درمان تشنه ام
وصل جانان تشنه سی ، نه آب دریا تشنه سی
.
.
یوم عاشورون فقط من عصرینون مشتاقیم
خم یمز ابرولریم ئوز عشقیمون مصداقیم
سالهادور من بو درد و محنتون دوستاقیم
نیزه باشینده اولا باشیم کلیسا تشنه سی
.
.
عُروةُ الوثقی منم، مصداق کرّمنا منم
بیلموسوز یتمیش بیر اسم اعظم دارا منم
عالمی روشن إئدن والشّمس والضّحی منم
طیب نفسیلن أزل اولدوم بو سودا تشنه سی
.
.
داش ویروب سیندرسا گر دشمن بو باشیم کاسه سین
باشیمون قانی بلند آواز إئدر عشقون سسین
محنت و دردیم یازار تاریخ تا روز پسین
طالب عقبا اولان اولماز بو دنیا تشنه سی
.
.
عاشقان حق گرک پرشور اولوب بیباک اولا
پیکری شمشیر و نیزه یلن گرک صد چاک أولا
رختخوابی ایستی قوملار بستری خاشاک اولا
نقد جان بذل إتسون اولسون حیّ یکتا تشنه سی
.
.
نیزه و شمشیر لر قطع إیلسون دل دردینی
قلبینون قانی آخوب سیلسون بو هجران گردینی
تحفه گؤندرسون او دم جانانه آه سردینی
یار گؤرسون یارون اولسون بی تمنا تشنه سی
.
.
ایستیور جانانی کیم راز و نیاز ائتسون گرک
ئوز بوغازینون قانیلان دستماز ائتسون گرک
جانمازی قانیبوزى قانلو نماز ائتسون گرک
عدنیده زیبا جمالون اولسون حورا تشنه سی
.
.
قتلگهده یاده سالسون خیزرانون نشئه سین
کوفه ده مطبخ سرانون میزبانون نشئه سین
ظلمیلن خاکستره الوان او قانون نشئه سین
قانلو کول مطبخده اولسون چشم شهلا تشنه سی
.
.
خیزران ئوپسون محبّتلن لب و دندانیدن
طشت زر زینت گرک تاپسون دوباره قانیدن
شامیده اولسون پذیرائی گؤزه ل مهمانیدن
روز ازّل اولمیشام طشت مطلّا تشنه سی
.
.
اوچ یاشیندا دختریم ویرانه ده قالسون گرک
انتقامیم تا یزید دونیدن آلسون گرک
تخنینی تابوت إئتسون تختیدن سالسون گرک
اولماسون بیرده او ملعون کاخ خضرا تشنه سی
.
.
شام شهرینده رقیّم میهمان عشقیدور
قولّاریندا قمچی ردّی وار نشان عشقیدور
مسکنی ویرانه دور اما مکان عشقیدور
خورداجا قبرین أحبّا اولماز آیا تشنه سی ؟
.
.
تازیانه پیکر خوش منظرین إیلر یارا
خوردا قیز دشمن قوی، اولسون پناهنده هارا
سسلیور هر دم بی بی گل توزلی زلفیمی دارا
گوشۀ ویرانه اولسون جسم زیبا تشنه سی
.
.
باشوون اوسته «نخستین» دوشسه قرآن سایه سی
سن اولارسان «مقبلیله ، محتشم»، همپایه سی
قبریده بو شعرلردور قبروون پیرایه سی
اولموسان مدّتدی قبر شاه بطحا تشنه سی
.
.
.
.
.
#حسینیه_نخستین
#حسینیه_شهادت
#اولماز_عشقون_عاشق_پرشور_بیجا_تشنه_سی
#ترکی
.
✍️ #زبدةالاشعار ✍️
.
🆔: @nohe_torki
نظر دهید