زبانحال امام جعفر صادق (ع)
.
✍️ زبدة الاشعار ✍️
?: @nohe_torki
.
یاسر رستگار حسنی
.
گل هرایه آنا اماندی
داده یت صبر ایویم تالاندی
ایله بیر ظلم ایدوبدی منصور
لبلریم لخته لخته قاندی
شرر ظلمیدن وجودیم یانوری
اورگیم زهر کینه دن اودلانوری
آنا زهرا آنا زهرا
.
صبریمی زهر الدن آلموش
قلبیمه غم شراره سالمیش
ای آنا دوشموشم بیر حاله
اللریم بو ئورکده قالمیش
رشته صبریمی جفا تیغی کسور
بدنیم بیر خزان ووران گل تک اسور
آنازهرا آنازهرا
.
قدیمی بار غصه اگمیش
خسته جانیم دوداقه گلمیش
باغریمی ای آنا ستمله
ناوک جور و کینه دلمیش
واردی بیر عمر چکمیشم درد و محن
ایتموشم هر غمده توسل سنه من
آنا زهرا آنا زهرا
.
آناجان نیمه جاندی اوغلون
لاله تک باغریقاندی اوغلون
سن کیمی آی یارالی مادر
گور نجه قد کماندی اوغلون
آی آنا بیر عمریدی دل داغلامیشام
یاد ایدوب غم غصه لرون آغلامیشام
آنا زهرا آنا زهرا
.
گل نظر قیل بو دلکبابه
منده کی دیدۀ پر آبه
دشمنیم نچه یول کسوبدی
اوغلیوی مجلس شرابه
ایله مجلسده ئورگیم داده گلوب
عمه مین غم غصه لری یاده گلوب
آنا زهرا آنا زهرا
.
عمه مین یاد ایدوب او حالین
جاری ایلردی اشگ آلین
گیزلدردی ایکی قولیله
غملی توزلی او مه جمالین
زیر لب زمزمه ایدردی که خدا
من هارا بزم شرب و نامحرم هارا
آنا زهرا آنا زهرا
.
#سبک_اصغریم_ای_شیرین_زبانیم
.
#صادقیه_شهادت
#گل_هرایه_آنا_اماندی
#رستگار_حسنی
#ترکی
.
✍️ #زبدةالاشعار ✍️
?: @nohe_torki
نظر دهید