غم دیاریندا اجل پِیکی، گذار ائتمز منه #غزل #فضولی

#غزل #فضولی
.
✍️ #زبدةالاشعار ✍️
.
🆔: @nohe_torki
.
حکیم ملا محمد فضولی
.
غم دیاریندا اجل پِیکی، گذار ائتمز منه
یوُخ سانیب واریم مگر، کیم اعتبار ائتمز منه ؟
.
یار جُور ائتمز منه اغیار تعلیم ائتمه دن
بالله اغیار ایلیین احسانی، یار ائتمز منه
.
داغیدیر هر لحظه رخت عیشیمی آهیم یئلی
هانسی ناحق ظُلمدور کیم، روزگار ائتمز منه ؟
.
عشق ذوُقیله خوشام، ترک نصیحت قیل رفیق
من کی تریاکی مزاجام، زهر کار ائتمز منه
.
چرخدن آشیرمادان یادینلا آه آتشین
غدر ائدیب گردون، شرردن زر نثار ائتمز منه
.
نقد جان، تاراج غمدن ساخلاماق دشوار اوُلور
عشق تا سنگِ ملامتدن حصار ائتمز منه
.
یادِ لعلینله فضولی گؤزله ییب راه عدم
وار بیر تدبیری، امّا آشکار ائتمز منه
.
.
#فضولی_ترکی
#غزل_ترکی
#ملامحمدفضولی #ترکی
#غم_دیاریندا_اجل_پیکی_گذار_ائتمز_منه
.
✍️ #زبدةالاشعار ✍️
.
🆔: @nohe_torki