زبدةالاشعار

ای اوغول باتمیه سن قانوا راضی دگیلم #اکبریه_راجی_تبریزی

وداع حضرت علی اکبر (ع)
سوال و جواب با مادر
.
✍️ #زبدةالاشعار ✍️
.
🆔: @nohe_torki
.
مرحوم راجی تبریزی
.
ای اوغول باتمیه سن قانوا راضی دگیلم
ویرمسن جان قسم اول جانوا راضی دگیلم
.
.
ایمدیکه ویرمیش اجازه سنه شاه شهدا
اولموسان رزمگهه گتمگیوه سنده رضا
یکدل و یک جهت اولموش هم اوغول همده آتا
دیه بولمز آنا هجرانوا راضی دگیلم
.
.
اوزیوی سرعتیله قافلۀ عشقه یتور
پردۀ جانی گیروب مجلس جانانه گوتور
بولوسن بسله میشم من سنی بو گوندن اوتور
گیت سکوت ایتمگه بیر آنوا راضی دگیلم
.
.
چونکه بو حسنله سن شبه پیمبر سن اوغول
هامیدان چوخ سنه مایلدی بو اولاد رسول
اولسا ارگتمگیوه مانع اگر ایتمه قبول
یاپوشا کیمسنه دامانیوه راضی دگیلم
.
.
ایلیوب سوز عطش شدّتیله سنده بروز
خیمه ده چوخدی سوسوز یوخ ولی هیچ کیمده بو سوز
ایسترم جان ویره سن من سنی بو نوعی سوسوز
دگه سو گر لب عطشانوا راضی دگیلم
.
.
اوندا کی آتش هجرون شرری جانه دوشر
ظلمیله گل بدنون عرصۀ میدانه دوشر
قتلگهده شهدا هر بیری بیر یانه دوشر
اصغری آلماسان اوز یانوا راضی دگیلم
.
.
گرک ایلوم او سیه طرّه لرون شانه علی
قویمیام گرد و غبار اگلشه بیر ذرّه بلی
بیر دقیقه بولورم قانه باتار ایمدی ولی
توز قونا زلف پریشانوا راضی دگیلم
.
.
قویموسان دایمی بو ناله و شیونده منی
جور اغیاریده هم طعنۀ دشمنده منی
چون غریبم علی تاپشورمیه سن سنده منی
ایمدی بو عمّۀ نالانوا راضی دگیلم
.
.
حضرت فاطمه چون حشریده فریاده گلور
اسرایه قاریشوب اوندا بو لیلاده گلور
شهدا قاننه غلطیده او اثناده گلور
باتمامیش گلسن اگر قانوا راضی دگیلم
.
.
راضیم میندیرلر ناقۀ عریانه منی
تیغ عریانیله بو قوم ایده صد پاره سنی
دشمن امّا اوغول عریان قویا بو گل بدنی
دوشمسه گون تن عریانوا راضی دگیلم
.
.
ای اوغول قویما خجل عرصۀ محشرده منی
داخل ایت سلسلۀ آل پیمبرده منی
بزم جاناندا خجالت گتوره درده منی
ویرمسن جانوی جانانوا راضی دگیلم
.
.
///جواب حضرت علی اکبر علیه اسلام///
.
.
گلدی گفتاره علی اکبر خوش نطق و مقال
عرض قیلدی ای آنا ایله منِ زاری حلال
سنه مندن صورا بوللم ویری یوز درد و ملال
سس چکوب ناله و افغانوا راضی دگیلم
.
.
دوزرم اهل جفا بستریمی خاک ایده لر
زندگانلوق ورقیندن آدیمی پاک ایده لر
راضیم سینه می یوز یردن اگر چاک ایده لر
بیر سنون چاک گریبانوا راضی دگیلم
.
.
بودی چون شیوۀ ارباب محبت «راجی»
دوتل درد و غم و اندوهیله الفت «راجی»
سنده بیر کلمه بجز نظم مصیبت «راجی»
یازاسان صفحۀ دیوانوا راضی دگیلم
.
#اکبریه_راجی_تبریزی
#اکبریه_شهادت
#ای_اوغول_باتمیه_سن_قانوا_راضی_دگیلم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ماه دل آرا محمد شاهد زیبا محمد #17ربیع_آذرین_خلخال

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی