ای اولان اهل ولایه کعبه جان کربلا #کربلا_محمد_هوشمند

کربلا
..
..
محمد هوشمند
..
..
ای اولان اهل ولایه کعبه جان کربلا
سنده وار یئتمیش ایکی ازاده انسان کربلا
..
..
گون باتاندا سینمی سیله دونن غم دولدورار
گوزلریم دریاسینی قانه دونن نم دولدورار
قلبیمن فریادینی آهنگ ماتم دولدورار
بیر نولار اولسام پیاده سنده مهمان کربلا
..
..
شوق وصلونه همیشه اربعینه دلخوشام
تا اولا قسمت بو جانی جمع زواره قوشام
سنده دور درمان منه ائیله عنایت ناخوشام
تا آلام خاک شفادن درده درمان کربلا
..
..
عاشقم بیرده گلم وار چوخ صفاسی یوللارین
روحیمی مجذوب ائیدیر حال و هواسی یوللارین
نوش دور گلسه اگر جانه قاداسی یوللارین
وار او یولدا نور یزدان شور ایمان کربلا
..
..
کربلا سنده عجب خوش عطر بو گل لر یاتیب
قاسم و عباس و شهزاده علی اکبر یاتیب
زاده زهرا حسین تک بیر بیوک رهبر یاتیب
ائیله دی اوز جانینی جانانه قربان کربلا
..
..
کربلا کان شرف سن قانلی تربت سنده دی
مهد عزت سن جهاندا شور و همت سنده دی
عالمی حیران قویان اسرار خلقت سنده دی
بیلمرم عرش خداسن یا که رضوان کربلا
..
..
هر گئجه گوندور بو نوعی دیلده قیلام آرزو
قسمتیم ای کاش اولا کربلا دشتینده سو
ائیلرم شکوه فراته ایچمرم آللام وضو
یادیمه ساللام که مشکی دلدی پیکان کربلا
..
..
کربلا سنده یاتان یتمش ایکی یاره سلام
سنده کی عطشان قالان بیر عده اَحراره سلام
قتگاهه ،خیمگاهه ، خسته قیزلاره سلام
یوردی آل اللهی سنده آل سفیان کربلا
..
..
کربلا عاشقلره بو اربعین گوندر برات
تا گلیب سندن الا اهل ولا جام حیات
سنده لب تشنه یاتیب شمس هدا فُلک نجات
تا قیامت ائیلییب دنیانی گریان کربلا
..
..
#کربلا #محمد_هوشمند #آرزوی_کربلا #ترکی #زبدةالاشعار