اربعین
.
.
حاج روح اله رمضانی
.
.
#سبک_یخلوب_عباسیم
.
.
ای حسین ای فخرِ، اهل جهان قارداش ،
گوز آچ اویان قارداش، زینبون گلدی
.
اؤرگیم هجرونده، اولوب القان قارداش،
گوز آچ اویان قارداش، زینبون گلدی
.
.
.
سندن آیریلیندا ،اود تک الولاندی ،
نار غمه یاندی ، قلب فکاریم
قامتیم خم اولدی، ایکی گوزوم دولدی،
ملال و محنتدن، سولدی عذاریم
عریان دوه اوسته، هرلحظه پیوسته،
حسینیم وای اولدی، دلده شعاریم
ای باجی سین قرخ گون، آغلارقویان قارداش،
گوز آچ اویان قارداش، زینبون گلدی
.
.
.
بیلورم حسین جان، سنه دیوم الآن،
هانسی مصیبات و، هانسی بلادن
دئسم آغلار داغ داش، آی کفن سیز قارداش،
جفای بی حد ، اهل جفادن
قیزلاری بی پرده ، عریان ناقه لرده،
آپاردیلار شامه کرب و بلادن
اورگیم بو غمدن، اولوب شان شان قارداش،
گوز آچ اویان قارداش، زینبون گلدی
.
.
.
یانارام من هردم ، بادیدۀ پرنم،
ئولونجه آتش ، ملاله قارداش
توکورم اشک تر ، اخا شام و سحر،
رقیه غمینده، جماله قارداش
یوزی گل تک سولدی، گجیله دفن اولدی،
خرابه منزلده، سه ساله قارداش
آلدی جان تک آغوشه، اونی کنج ویران ،
گوز آچ اویان قارداش ، زینبون گلدی
.
.
.
.
#اربعین
#ای_حسین_ای_فخر_اهل_جهان_قارداش
#رمضانی_خاکی
#ترکی
#زبدةالاشعار
نظر دهید