اربعین
..
..
مرحوم خوندل تبریزی
..
..
عشقیمون اثباتینه بیر امتحان ویرّم حسین
پاره پاره کوینگون سینمده جان ویرّم حسین
..
..
من عزا رختین برادر قامتیمدن سویمارام
خشک اولا خوناب دل هرگز گوزومدن قویمارام
فرقتونده گر ئولونجه آغلاسام من دویمارام
عالمه مهر و وفا رسمین نشان ویرّم حسین
..
..
سهلدور قارداش اسیر اولدوم شقی بیر دشمنه
ویردیلار اشرار اگر قمچی چوخ آساندور منه
تا حیاتیم وار نقدری آغلاسام آزدور سنه
آغلارام بو امره دلدن امتنان ویرّم حسین
..
..
سینوی دوندردی تا اوخلار یارالی گلشنه
باخمیام عهد ایتمشم دنیاده سرو و سوسنه
چون شمیم غم ویرور بوی گل و گلشن منه
من اوزومده نکهت فصل خزان ویرّم حسین
..
..
ظاهراً اشراره مغلوب اولدی گر جمعیّتون
ویردی عزّت دینه معناده او پوزقون عزّتون
من اسیر اولدوم که تا تکمیل ایدم بو خدمتون
سن کیمی دینه صفای جاودان ویرّم حسین
..
..
قصد تبلیغاتیله من عزم شامات ایلدیم
حقّیوی ناحقلره هر یرده اثبات ایلدیم
قانلو گوز یاشیله سوز قلبی اسکات ایلدیم
زخم قلبین مرهمین اشگ روان ویرّم حسین
..
..
بو سفرده چوخ بنای ظلمی برباد ایلدیم
شاهراه عشقه اهل عشقی ارشاد ایلدیم
کوفه ده چوخ آتشین بیر خطبه ایراد ایلدیم
قولیمه گوردون که فعلا امتحان ویرّم حسین
..
..
وجهه بیر نوعیله سلب ایتدیم حسین اغیاردن
معجر لیلانی آلدیم شامده اشراردن
قسمتیم بو پیرهندور اخذ اولان آثاردن
عطرویله جسم بیروحه روان ویرّم حسین
..
..
قزلارین حفظینده قارداش اولدی چوخ جدّیّتیم
اولمیوب بیر آن حریم عصمتوندن غفلتیم
گلدی آل الله یتشدی انتهایه خدمتیم
قبرون اوسته نازنین اطفالی سان ویرّم حسین
..
..
چکمشیم راه وفاده چوخ ریاضت گلمیشم
یوخ غمیم گر گورمیشم قید اسارت گلمیشم
بیر رقیه گلمیوب اوندان خجالت گلمیشم
ایسته سن ویرانه کنجندن نشان ویرّم حسین
..
..
تا خرابه گوشه سینده جان ویروب زار و حزین
حالیمی پوزدی حرملر باشلادی داد و انین
نیلیوم ناچاریدیم ایتدیم کفن پیراهنین
سینمی هر تیر غم گلسه مکان ویرّم حسین
..
..
ای حسینیلر امیدی جان زهرای بتول
اولما راضی نوکرون خوندل اولا زار و ملول
لطفیله بو مطلع ناچیزه چک خط قبول
عشقیمون اثباتینه بیر امتحان ویرّم حسین
..
..
#اربعین #خوندل_تبریزی #ترکی #زبدةالاشعار
نظر دهید